ಬಿ ಬಿ ಸಿ ವರದಿ ಬೆಂಗಳೂರು: ಭಾರತದ ಸಿಲಿಕಾನ್ ವ್ಯಾಲಿಯನ್ನು ಧ್ರುವೀಕರಣ ಹೇಗೆ ವಿಭಜಿಸುತ್ತಿದೆ ಸೌತಿಕ್ ಬಿಸ್ವಾಸ್ ಬಿ ಬಿ ಸಿ ೭ ಎಪ್ರಿಲ್ ೨೦೨೨ ಕಳೆದ ವಾರ ಭಾರತದ ಅತಿ ಶ್ರೀಮಂತ ಮಹಿಳೆಯೊಬ್ಬರು ಆಡಳಿತಾರೂಢ ರಾಜಕಾರಣಿಗಳಿಗೆ ಅಸಾಮಾನ್ಯ ಮನವಿಯೊಂದನ್ನು ‘ಟ್ವೀಟ್’ ಮಾಡಿದ್ದಾರೆ. ಪ್ರಮುಖ ಜೈವಿಕ ತಂತ್ರಜ್ಞಾನ ಸಂಸ್ಥೆಯಾದ ಬಯೋಕಾನ್‌ನ ಮುಖ್ಯಸ್ಥರಾಗಿರುವ ಕಿರಣ್ ಮಜುಂದಾರ್ ಶಾ ಅವರು 6.4 ಕೋಟಿ ಜನರಿರುವ ದಕ್ಷಿಣ ಭಾರತ ರಾಜ್ಯ ಕರ್ನಾಟಕದಲ್ಲಿ "ಬೆಳೆಯುತ್ತಿರುವ ಧಾರ್ಮಿಕ ವಿಭಜನೆಯನ್ನು ಪರಿಹರಿಸಲು" ಭಾರತೀಯ ಜನತಾ ಪಕ್ಷದ ನೇತೃತ್ವದ ಸರ್ಕಾರವನ್ನು ಒತ್ತಾಯಿಸಿದರು. ಶಾ ಅವರ ಉದ್ಯಮವು ಕರ್ನಾಟಕದ ರಾಜಧಾನಿ ಬೆಂಗಳೂರಿನಲ್ಲಿ ನೆಲೆಗೊಂಡಿದೆ. ಬೆ೦ಗಳೂರು ಭಾರತದ ಪ್ರವರ್ಧಮಾನಕ್ಕೆ ಬರುತ್ತಿರುವ ಮಾಹಿತಿ-ತಂತ್ರಜ್ಞಾನ ಕೇಂದ್ರವಾಗಿದೆ. ಅವರ ಹೇಳಿಕೆಗಳು ಬ೦ದಿರುವದು ರಾಜ್ಯದಲ್ಲಿನ ಮೂಲಭೂತ ಹಿಂದೂ ಗುಂಪುಗಳ ಬೇಡಿಕೆಗಳ ಮೇಲೆ ವಿವಾದದ ಹಿನ್ನೆಲೆಯಲ್ಲಿ. ದೇವಸ್ಥಾನದ ಜಾತ್ರೆಗಳಲ್ಲಿ ಮುಸ್ಲಿಮ್ ವ್ಯಾಪಾರಿಗಳು ಮಳಿಗೆಗಳನ್ನು ಸ್ಥಾಪಿಸುವುದನ್ನು ನಿಷೇಧಿಸುವಂತೆ , ಮುಸ್ಲಿಂ ಕಟುಕರು ಮಾರುವ ಹಲಾಲ್ ಮಾಂಸವನ್ನು ಖರೀದಿಸದಂತೆ ಈ ಗುಂಪುಗಳು ಹಿಂದೂಗಳನ್ನು ಒತ್ತಾಯಿಸುತ್ತಿವೆ. (ಹಲಾಲ್ ವಧೆಯ ಅವಶ್ಯಕತೆಗಳ ಅಡಿಯಲ್ಲಿ ಪ್ರಾಣಿಗಳನ್ನು ಕೊಲ್ಲು...
