ಹಿಕಲ್ ಉಪನ್ಯಾಸ:೨೧ ನೇ ಶತಮಾನದಲ್ಲಿ ವಿಶ್ವ ಅಭಿವೃದ್ಧಿಗಾಗಿ ಹೋರಾಟ: ಬಂಡವಾಳಶಾಹಿ, ಸಾಮ್ರಾಜ್ಯಶಾಹಿ ಮತ್ತು ಪರಿಸರ-ಸಮಾಜವಾದ ಸಿರಿವಂತ ರಾಷ್ಟ್ರಗಳು ಮತ್ತು ಇತರರು- ವಿರೋಧಾಭಾಸಗಳು : ಈ ಚರ್ಚೆಯ ವಿಷಯ ಬಂಡವಾಳಶಾಹಿ ಮತ್ತು ಸಾಮ್ರಾಜ್ಯಶಾಹಿ, ‘ಜಾಗತಿಕ ದಕ್ಷಿಣ’ದಲ್ಲಿ(ಅಂದರೆ ಕಡಿಮೆ ಅಭಿವೃದ್ಧಿ ಹೊಂದಿದ ದೇಶಗಳಲ್ಲಿ; ಶ್ರೀಮಂತ ಮತ್ತು ಹೆಚ್ಚು ಕೈಗಾರಿಕೀಕರಣಗೊಂಡ ದೇಶಗಳು ಉತ್ತರ ಗೋಳಾರ್ಧದಲ್ಲಿವೆ, ಇವನ್ನು ‘ಜಾಗತಿಕ ಉತ್ತರ’ ಎ೦ದು ಕರೆಯುವ ರೂಢಿ ಇದೆ. ) ಪರಿಹಾರವಿಲ್ಲದೆ ಕಂಡುಬರುತ್ತಿರುವ ಸಾಮೂಹಿಕ ಅಭಾವ ಮತ್ತು ಅಭಿವೃದ್ಧಿಯ ಹಿಂದುಳಿದಿರುವಿಕೆಯ ನಡೆಯುತ್ತಿರುವ ಬಿಕ್ಕಟ್ಟುಗಳು, ಹಾಗೂ ವಿಶ್ವ ಮಟ್ಟದಲ್ಲಿ ಘಟಿಸುತ್ತಿರುವ ಅಸಮಾನತೆ ಮತ್ತು ಪರಿಸರ ಕುಸಿತ. ಇದನ್ನು ಐತಿಹಾಸಿಕವಾಗಿ ರೂಪಿಸುವಾಗ, ಈ ಬಿಕ್ಕಟ್ಟುಗಳನ್ನು ಬಂಡವಾಳಶಾಹಿಯಿಂದ ಸೃಷ್ಟಿಸಲ್ಪಟ್ಟ ಮತ್ತು ಶಾಶ್ವತಗೊಳಿಸಲ್ಪಟ್ಟದ್ದಾಗಿ ಮತ್ತು ಬಂಡವಾಳ ಸಂಗ್ರಹಣೆಗೆ ಆಧಾರವಾಗಿರುವ ಸಾಮ್ರಾಜ್ಯಶಾಹಿ ಚಲನಶೀಲತೆಯಿಂದ ನಿರೂಪಿಸಲ್ಪಟ್ಟಿವೆ ಎಂದು ನಾವು ಅರ್ಥಮಾಡಿಕೊಳ್ಳಬೇಕು. ನಮ್ಮ ಪ್ರಸ್ತುತ ಕ್ಷಣವನ್ನು ವಿವರಿಸಲು, ನಮ್ಮ ಸುತ್ತಲಿನ ಪ್ರಪಂಚವನ್ನು ನೋಡಿದಾಗ, ನಾವು ಅಸಾಧಾರಣ ವಿರೋಧಾಭಾಸವನ್ನು ನೋಡುತ್ತೇವೆ. ಒಂದೆಡೆ, ವಿಶ್ವ ಆರ್ಥಿಕತೆ ದಿಗ್ಭ್ರಮೆಗೊಳಿಸುವ ಉತ್ಪಾದನೆಯ ಮಟ್ಟವನ್ನು ತಲುಪಿದೆ. ಅ...