ಚೊಮ್ಸ್ಕಿ ಸ೦ದರ್ಶನ

೧. ಎಡ ಪ೦ಥ ವ್ಯಾಖ್ಯಾನ

 

 ಮತ್ತು 

೨. ಮುಕ್ತ ಭಾಷಣದ ತತ್ವ

ಜಾಗತಿಕವಾಗಿ ಅತ್ಯಂತ ಪ್ರಸಿದ್ಧ ವ್ಯಕ್ತಿ  ಒಬ್ಬರಲ್ಲದೆ  ಎಡವಿಚಾರ ಧಾರೆಯಲ್ಲಿ ಪ್ರಭಾವಿ, ವಿದ್ವಾಂಸ, ಲೇಖಕ, ಶಿಕ್ಷಕ, ಬುದ್ಧಿಜೀವಿ, ಕಾರ್ಯಕರ್ತ, ಮತ್ತು ವಿಮರ್ಶಕ, ನೋಮ್ ಚೋಮ್ಸ್ಕಿ ‘ಪ್ಲೆಬಿಟಿ’ ಸ೦ಸ್ಥೆಯ ವಾಕ್ ಸ್ವಾತಂತ್ರ್ಯ ಮತ್ತು ಎಡ ವಿಚಾರ ಸಮ್ಮೇಳನದಲ್ಲಿ ಭಾಗವಹಿಸಿದ ಸ೦ದರ್ಭದಲ್ಲಿಅವರ ಮು೦ದೆ ಇಟ್ಟ ಪ್ರಶ್ನೆಗಳು ಮತ್ತು ಚೊಮ್ಸ್ಕಿ ಹೇಳಿಕೆಗಳು:

ಭಾಗ ೧ - ಎಡ ಪ೦ಥ ವ್ಯಾಖ್ಯಾನ

ಸ೦ದರ್ಶಕ : ಎಡಪ೦ಥ  ಇಂದು ಅವನತಿಯಲ್ಲಿದೆ ಎ೦ದು, ಅಥವಾ ಅದು ತನ್ನ  ಪ್ರಸ್ತುತತೆಯನ್ನು ಕಳೆದುಕೊ೦ಡಿದೆ ಎ೦ದು, ಅಥವಾ ತನ್ನ ಅಸ್ತಿತ್ವವನ್ನೇ ಕಳೆದುಕೊ೦ಡಿದೆ  ಎಂದು ಹಲವರು ನಂಬುತ್ತಾರೆ.

ಸ್ವಯಂ-ಗುರುತಿಸಲ್ಪಟ್ಟ ‘ಎಡ’ ಆ೦ದೋಲನ  ಮುರಿದು ವಿಭಜಿತವಾಗಿದೆ.

ತಮ್ಮನ್ನು ಎಡಪಂಥೀಯರು ಎಂದು ಕರೆದುಕೊಳ್ಳುವ ಕೆಲವರು ವರ್ಗ ಮತ್ತು ಆರ್ಥಿಕ ಸಮಸ್ಯೆಗಳ ಮೇಲೆ ಕೇಂದ್ರೀಕರಿಸುತ್ತಿದ್ದರೆ ಬೇರೆ ಕೆಲವರ ನೋಟ ಸಾಮ್ರಾಜ್ಯಶಾಹಿ ಮತ್ತು ಯುದ್ಧದ ವಿಷಯಗಳ ಮೇಲೆ, ಅಥವಾ ಸಾಂಸ್ಕೃತಿಕ ಸಮಸ್ಯೆಗಳು ಮತ್ತು ಗುರುತಿನ ರಾಜಕೀಯದ ಬಗ್ಗೆ.

ಇವರೆಲ್ಲ ಸಮಾನವಾಗಿ ಎಡಪಂಥೀಯರೇ? ಮತ್ತು ಹೇಗೆ ಈ ಹಲವಾರು ವಿಭಿನ್ನ ಸಮಸ್ಯೆಗಳನ್ನು ಒಟ್ಟಿಗೆ ಒ೦ದೇ ‘ಎಡ’ ಮುದ್ದೆಗಳಾಗಿ ವರ್ಗೀಕರಿಸಬಹುದು ?

ನಿಮ್ಮ ಚಿ೦ತನೆಯಲ್ಲಿ ‘ಎಡ’ ಪಂಥೀಯತೆ ಎನ್ನುವದು ಇದೆಯೇ? ಮತ್ತು ಹಾಗಿದ್ದಲ್ಲಿ  ‘ಎಡ’ ದ ವ್ಯಾಖ್ಯಾನ ಏನು? 

ಚೊಮ್ಸ್ಕಿ : ಇದು ನಿಜವಾಗಿಯೂ ಆಸಕ್ತಿದಾಯಕ ಪ್ರಶ್ನೆಯಾಗಿದೆ.

ನಾನು ಅನೇಕ ವರ್ಷಗಳಿಂದ ಅದೇ ಪ್ರಶ್ನೆಯನ್ನು ಕೇಳಿಕೊಂಡಿದ್ದೇನೆ, ಆದ್ದರಿಂದ ನಾನು ನಿಮಗೆ  ಪ್ರಶ್ನೆ ಹೇಗೆ ಉದ್ಭವಿಸುತ್ತದೆ ಎ೦ಬುವದರ  ನಿರ್ದಿಷ್ಟ ಉದಾಹರಣೆಯನ್ನು ನೀಡುತ್ತೇನೆ

೧೯೮೦ ರ ದಶಕದಲ್ಲಿ, ರೇಗನ್ ಅಡಿಯಲ್ಲಿ ಅಮೆರಿಕ ದೇಶವು ( ಯು. ಎಸ್., ಯುನೈಟೆಡ್ ಸ್ಟೇಟ್ಸ್) ಮಧ್ಯ ಅಮೆರಿಕದಲ್ಲಿ ನಡೆದ ಪ್ರಮುಖ ಭಯೋತ್ಪಾದಕ ಯುದ್ಧಗಳನ್ನು ನಡೆಸುತ್ತಿದ್ದಾಗ  ನೂರಾರು ಸಾವಿರ ಜನರನ್ನು ಕೊಂದವು. ಚಿತ್ರಹಿಂಸೆ, ವಿನಾಶ ನಡೆದವು. ಆ ಸಮಯದಲ್ಲಿ  ನಾನು ಹಲವಾರು ಬಾರಿ ಆ ಪ್ರದೇಶಕ್ಕೆ ಭೇಟಿ ನೀಡಿದ್ದೇನೆ.  ಅದರಲ್ಲಿ  ನಿಕರಾಗುವಾ ದೇಶಕ್ಕೆ  ಒಂದೆರಡು ಬಾರಿ ಭೇಟಿ ನೀಡಿದ್ದೆ. ನಿಕರಾಗುವಾ ಮೇಲೆ ದಾಳಿ ನಡೆಸುತ್ತಿದ್ದ ಭಯೋತ್ಪಾದಕ ಪಡೆಯನ್ನು ಯು.ಎಸ್. ನಡೆಸುತ್ತಿತ್ತು. 

ಒ೦ದು ಭೇಟಿಯಲ್ಲಿ  ನಾನು   ಫಾದರ್  ಸೀಸರ್ ಜುವಾರೆಜ್, ಉತ್ತಮ ಸ್ನೇಹಿತ, ಪ್ರಮುಖ ವ್ಯಕ್ತಿ, ಮಧ್ಯ ಅಮೆರಿಕದಲ್ಲಿ ಜೆಸ್ಯೂಟ್ (ಕೆಥೊಲಿಕ್ ಪಾದ್ರಿ) ಸಮುದಾಯದ ಅತಿ ಪ್ರಮುಖರಲ್ಲಿ ಒಬ್ಬರು, ಇವರ  ಅತಿಥಿಯಾಗಿದ್ದೆನು.

ಅವರು ವಾಸ್ತವವಾಗಿ ಗ್ವಾಟೆಮಾಲ ದೇಶಕ್ಕೆ  ಸೇರಿದವರು ಆಗಿದ್ದರು, ಆದರೆ ಆಳುವ

ಯು.ಎಸ್. ಬೆಂಬಲಿತ ಭಯೋತ್ಪಾದಕರು  ಎಲ್ಲಾ ಜೆಸ್ಯೂಟ್‌ ರನ್ನು ಕೊಲ್ಲುವುದಾಗಿ ಬೆದರಿಕೆ ಹಾಕಿತು. ಅವರು ಆವಾಗ ಗ್ವಾಟೆಮಾಲಾದಿಂದ ಹೋಗಬೇಕಾಯಿತು. 

ಅವರು ಎಲ್ ಸಾಲ್ವಡಾರ್‌ಗೆ ಹೋದರು. ಅವರು ಆರ್ಚ್ ಬಿಷಪ್ ರೊಮೆರೊಗೆ ತುಂಬಾ ಹತ್ತಿರವಾಗಿದ್ದರು. ರೊಮೆರೊ 'ಧ್ವನಿಯಿಲ್ಲದವರ ಧ್ವನಿ' ಎಂದು ಕರೆಯುತ್ತಾರೆ. ಅವರು ಸಂಪ್ರದಾಯವಾದಿ ಪಾದ್ರಿ,   ಆರ್ಚ್ ಬಿಷಪ್ ಸ್ಥಾನಕ್ಕೇರಿದರು. ಕೊನೆಗೆ ಯುನೈಟೆಡ್ ಸ್ಟೇಟ್ಸ್ ಬೆಂಬಲಿತ ಬಲಪಂಥೀಯ ಪಡೆಗಳಿಂದ ರೊಮೆರೊ ಹತ್ಯೆಯಾಯಿತು.

ಸೀಸರ್ ಮತ್ತೆ ಪಲಾಯನ ಮಾಡಬೇಕಾಯಿತು. ಆ ಸಮಯದಲ್ಲಿ ಎಲ್ ಸಾಲ್ವಡಾರ್ ನಿಕರಾಗುವಾಗೆ ಹೋಯಿತು.

೧೯೮೦ರ ದಶಕದಲ್ಲಿ ನಿಕರಾಗುವಾ ೧೯೩೦ಯ ದಶಕದಲ್ಲಿ ಪ್ಯಾರಿಸನಂತೆಯೇ ಇತ್ತು.  ನಾಜಿಸಂ, ರಷ್ಯಾದ ರಾಜ್ಯ ಭಯೋತ್ಪಾದನೆಗಳಿ೦ದ ಪಲಾಯನ ಮಾಡಲು ಇಚ್ಚಿಸುವ ಜನರು  ಪ್ಯಾರಿಸ್ ನಗರಕ್ಕೆ ಬರುವರು. ಮಧ್ಯ ಅಮೇರಿಕಾದಲ್ಲಿ ಅಮೆರಿಕ ರಾಷ್ಟ್ರದ ಪಡೆಗಳಿ೦ದ   ಮತ್ತು ಖಾಸಗಿ ಭಯೋತ್ಪಾದನೆಯಿ೦ದ ಪಾರಾಗುವ  ಜನರು  ನಿಕರಾಗುವಾಗೆ ಪಲಾಯನ ಮಾಡಲು ಒಲವು ತೋರುತ್ತಿದ್ದರು,  ಆದ್ದರಿಂದ ಅವರಲ್ಲಿ ಬಹಳಷ್ಟು ಮಂದಿ ಅಲ್ಲಿದ್ದರು.

ನನಗೆ ಪರಿಚಯವಿದ್ದ  ಫಾದರ್ ಜುವಾರೆಜ್ ನನ್ನನ್ನು  ಆಹ್ವಾನಿಸಿದರು. ನಾನು ಜೆಸ್ಯೂಟ್ ಭವನದಲ್ಲಿ ಉಳಿದುಕೊಂಡೆ.

ಅವರು ನನ್ನನ್ನು ವಿವಿಧ ಪ್ರೇಕ್ಷಣೀಯ ಸ್ಥಳಗಳಿಗೆ ಕರೆದೊಯ್ದರು, ನಾನು ಮಾಡಬೇಕೆಂದು ಅವರು ಬಯಸಿದ ಕೆಲವು ಕೆಲಸಗಳನ್ನು ಮಾಡಿದೆನು

ಭೇಟಿಗಳಲ್ಲಿ ಒಂದು ಸಣ್ಣ, ಬಡ, ಅತ್ಯಂತ ಬಡ ರೈತ ಹಳ್ಳಿಗೆ, ಹೋದೆವು. ಅಲ್ಲಿ ಸನ್ಯಾಸಿಗಳ ಅತ್ಯಂತ ಸಂಪ್ರದಾಯವಾದಿ ಕ್ಯಾಥೊಲಿಕ್ ಧಾರ್ಮಿಕ ಪ೦ಗಡಗಳಲ್ಲಿ ಒ೦ದು ಗಣವು  ತನ್ನ ‘ಮಿಶನ್’  ಸ೦ಸ್ಥೆಯನ್ನು  ಹೊಂದಿದ್ದರು.

ನಾನು ಭೇಟಿ ನೀಡಿದಾಗ ಮಹಿಳಾ ಮೇಲಾಧಿಕಾರಿ  ಸ್ಥಳದಲ್ಲಿಇರಲಿಲ್ಲ. ಅವರು ರೈತರ ಗುಡಿಸಲುಗಳಿಗೆ ಲಸಿಕೆಗಳನ್ನು ತೆಗೆದುಕೊಳ್ಳಲು ರೈತರನ್ನು ಉತ್ತೇಜಿಸಲು ಪ್ರಯತ್ನಿಸಲು  ಹೋಗುತ್ತಿದ್ದರು. ಲಸಿಕೆಯ ಪಧ್ಧತಿ   ರೈತರಿಗೆ ಇಷ್ಟವಾಗಿದ್ದಿಲ್ಲ. ಬಿಳಿಯ ಜನರು ಬಂದು ತಮ್ಮ ತೋಳುಗಳಿಗೆ ಏನನ್ನಾದರೂ ಅಂಟಿಸುತ್ತಾರೆ. ಅವರನ್ನೇಕೆ ನಂಬಬೇಕು? ಆ ತಾಯಿ  ಅವರನ್ನು ಪ್ರೋತ್ಸಾಹಿಸಲು ಪ್ರಯತ್ನಿಸುತ್ತಿದ್ದಳು. 

ತಾವು  ಆರಂಭಿಸಿದ ಸಮುದಾಯದ ಯೋಜನೆಯನ್ನು ತೋರಿಸಲು ಸನ್ಯಾಸಿನಿಯರು ನನ್ನನ್ನು ಕರೆದೊಯ್ದರು.

ಗ್ರಾಮಕ್ಕೆ ನೀರಿಲ್ಲ. ಒಂದು ಕೊಡ  ನೀರನ್ನು ತರಲು ಮಹಿಳೆಯರು ಮೈಲುಗಟ್ಟಲೆ ಚಾರಣ ಮಾಡಬೇಕಿತ್ತು. ರೈತರು ಒಟ್ಟಿಗೆ ಕೆಲಸ ಮಾಡಲು ಪರಿಚಿತರಾಗಿದ್ದಿಲ್ಲ.    

ಆದರೆ ಸನ್ಯಾಸಿನಿಯರ ಪ್ರಯತ್ನದಿ೦ದ  ಗ್ರಾಮದ ಮಧ್ಯದಲ್ಲಿ ಬಾವಿಯನ್ನು ನಿರ್ಮಿಸಲು ರೈತರು  ಸಹಕರಿಸಿದರು. ಬಾವಿ ಸಿಧ್ಧವಾಗಿತ್ತು

ಬೆಟ್ಟದ ಮೇಲ್ಭಾಗದಲ್ಲಿ ಅಗೆದು ಬಾವಿ ತೋಡಲಾಯಿತು. ಮತ್ತು ನೀರನ್ನು ಹೊರತೆಗೆದ ರೀತಿಯೆ೦ದರೆ ಕತ್ತೆಯೊಂದು ಹಗ್ಗ ಮತ್ತು ಬಕೆಟ್ ಎಳೆದುಕೊಂಡು ಮೇಲಕ್ಕೆ ಮತ್ತು ಕೆಳಕ್ಕೆ ನಡೆದು ಬಕೆಟ್ ಅನ್ನು ಬಾವಿಯ ನೀರಿನಲ್ಲಿ  ಅದ್ದಿ ಜನರು ನೀರನ್ನು ಪಡೆಯುತ್ತಿದ್ದರು.. 

ಇದು ಸನ್ಯಾಸಿಗಳ ಅತ್ಯಂತ ಸಂಪ್ರದಾಯವಾದಿ ಸ೦ಸ್ಥೆಯೊ೦ದರ ಕ್ರಮವಾಗಿದೆ. ಹಾಗಾದರೆ ಅವು ಯಾವುವು - ‘ಎಡ’ ಅಥವಾ ‘ಬಲ’ ? ನೀವೇ  ನಿರ್ಧರಿಸಿ -  ನನಗೆ ಗೊತ್ತಿಲ್ಲ.

ನನಗೆ ಅವರು ‘ಎಡ’ಭಾಗದಲ್ಲಿದ್ದಾರೆ ಎ೦ದನಿಸುತ್ತದೆ.  ಅವರು ‘ಬಲ’ಭಾಗದಲ್ಲಿದ್ದಾರೆ ಎಂದು ಅವರು ತಾವೇ ಹೇಳುತ್ತಾರೆ.  ಅವರ ಅನೇಕ  ಮತ ನಂಬಿಕೆಗಳನ್ನು ಪರಿಶೀಲಿಸಿರಿ - ಖಂಡಿತವಾಗಿಯೂ ನಾನು ಅವುಗಳೊ೦ದಿಗೆ  ಏನನ್ನೂ ಮಾಡಲು ಬಯಸುವುದಿಲ್ಲ, ಆದರೆ ಅವರ ಜೀವನವು ಮೀಸಲಾಗಿತ್ತು

ಬಡವರಾದ ಮತ್ತು ತುಳಿತಕ್ಕೊಳಗಾದ ಜನರಿಗೆ ಸಹಾಯ ಮಾಡುವುದಕ್ಕೆ. ಅವರು ತಾವು ಸಹ  ಬಡತನದಲ್ಲಿ ಬದುಕುತ್ತಿದ್ದರು. 

ಜನರಿಗೆ ಸಹಾಯ ಮಾಡಲು ಅಮೆರಿಕನ್ನರು ಬಂದ ಸ್ಥಳಗಳಿಗೆ, ಇವಾಂಜೆಲಿಕಲ್ (ಮೂಲಭೂತವಾದಿ ಕ್ರೈಸ್ತ ) ಚರ್ಚುಗಳ ಜನರಿಗೆ ನಾನು ಭೇಟಿ ನೀಡಿದ್ದೇನೆ.  ಕನ್ಸಾಸ್, ಗ್ರಾಮೀಣ ಕನ್ಸಾಸ್, ಗ್ರಾಮೀಣ ಮೇರಿಲ್ಯಾಂಡ್ ಗಳಿ೦ದ ಬ೦ದ ಜನರು ಯು.ಎಸ್. ಬೆಂಬಲಿತ ಭಯೋತ್ಪಾದಕರು, ರಾಜ್ಯ ಭಯೋತ್ಪಾದಕರು ಅಥವಾ ಖಾಸಗಿ ಭಯೋತ್ಪಾದಕರ ಕೊಲೆಗಾರ ದಾಳಿಗಳ ಅಡಿಯಲ್ಲಿದ್ದ ಬಡ ಜನರು  ಬದುಕಲು ಸಹಾಯ ಮಾಡಲು ಪ್ರಯತ್ನಿಸುತ್ತಿದ್ದಾರೆ

ಅವರು ಯಾವುವು, ‘ಎಡ’ ಅಥವಾ  ‘ಬಲ’? ನನಗೆ ಗೊತ್ತಿಲ್ಲ. 

ಶೈಕ್ಷಣಿಕ ಸಮ್ಮೇಳನಗಳಲ್ಲಿ ಜನರು ಕುಳಿತುಕೊ೦ಡು  ರಹಸ್ಯವಾದ ‘ಎಡ’ ಸಿದ್ಧಾಂತಗಳನ್ನು ಚರ್ಚಿಸುವುದು ನಾನು ಕೇಳುತ್ತೇನೆ. ಅದು ‘ಎಡ’ವೋ ‘ಬಲ’ವೋ? 

ನಾನು ನೋಡುವ ಮಟ್ಟಿಗೆ, ಆಡಳಿತಗಾರರು ಮತ್ತು ಆಳ್ವಿಕೆಯಲ್ಲಿರುವ ಜನ,  ಯಜಮಾನರು ಮತ್ತು ಸೇವಕರು ಮತ್ತು ಗುಲಾಮರು , ಇವರ ಮಧ್ಯೆ ನಿರಂತರವಾದ  ಮಹಾನ್ ವರ್ಗ ಯುದ್ಧವಿದೆ ಎಂದು ನಾವು ಗುರುತಿಸಬೇಕು.

ಹಾಗಾದರೆ ಅರಿಯಬೇಕಾದದ್ದು ನೀವು ಯಾವ ಕಡೆ ಇದ್ದೀರಿ? ನೀವು ತುಳಿತಕ್ಕೊಳಗಾದವರ  ಬದಿಯಲ್ಲಿದ್ದರೆ ನಾನು ಅದನ್ನು ‘ಎಡ’ ಎಂದು ಕರೆಯುತ್ತೇನೆ. ನೀವು ಎಲ್ಲಿಂದ ಬರುತ್ತಿದ್ದೀರಿ, ನಿಮ್ಮ ಹಿನ್ನೆಲೆ ಏನು, ಎಂಬುದರ ಬಗ್ಗೆ ನನಗೆ ಕಾಳಜಿ ಇಲ್ಲ. 

ಆದ್ದರಿಂದ ಆ ದೃಷ್ಟಿಯಲ್ಲಿ ನೋಡಿದಾಗ  ಯುನೈಟೆಡ್ ಸ್ಟೇಟ್ಸ್‌ನಲ್ಲಿಎಲ್ಲಾ ರೀತಿಯ ಮೂಲಗಳಿಂದ ಬರುವ  ಒಂದು ದೊಡ್ಡ ‘ಎಡ’ವಿದೆ. 

ಮತ್ತೆ ತೆಗೆದುಕೊಳ್ಳಿ

೧೯೮೦ ರ ದಶಕ. ಇದನ್ನು  ಚರ್ಚಿಸಲಾಗುತ್ತಿಲ್ಲ  ಏಕೆಂದರೆ ಇದರ  ಸತ್ಯವನ್ನು ಹೊರತ೦ದರೆ ಪರಿಣಾಮ  ತುಂಬಾ ವಿಧ್ವಂಸಕವಾಗಿದೆ,

ಆದರೆ ಸತ್ಯವೆಂದರೆ ೧೯೮೦ ರ ದಶಕದಲ್ಲಿ  ಅಮೆರಿಕದಲ್ಲಿ ಯಾವುದೇ ಐತಿಹಾಸಿಕ ಪೂರ್ವನಿದರ್ಶನವಿಲ್ಲದ  ಸಾಮ್ರಾಜ್ಯಶಾಹಿ ವಿರೋಧಿ ಜನಾಂದೋಲನವಿತ್ತು.

ನಾನು ಹೇಳಿದ ಜನರಂತೆ ವಿವಿಧ ಅಮೆರಿಕನ್ನರು,  ಉದಾಹರಣೆಗೆ ಗ್ರಾಮೀಣ ಕನ್ಸಾಸ್ ಮೂಲದವರು,  ಇವಾಂಜೆಲಿಕಲ್ ಕ್ರೈಸ್ತ ಸಭೆಗಳು, ವಿಶ್ವವಿದ್ಯಾನಿಲಯಗಳ ಇತರ ಯುವಜನರು, ಇನ್ನೂ ವಿವಿಧ ಜನರು,  ಮಧ್ಯ ಅಮೆರಿಕಕ್ಕೆ ಹೋಗಿ ಅಮೆರಿಕದಿ೦ದಲೇ  ದಾಳಿಗೆ ಒಳಗಾದ ಜನರಿಗೆ   ಬದುಕಲು ಸಹಾಯ ಮಾಡಲು, ಬಿಳಿಯ ಮುಖದವರಿ೦ದ ಯಾವುದೇ ಸಾಧ್ಯವಾದ ರಕ್ಷಣೆಯನ್ನು  ನೀಡಲು  ಪ್ರಯತ್ನಿಸುತ್ತಿದ್ದರು . 

ಇದು ನಿಜವಾಗಿ ನಡೆದದ್ದು.  ಹಿ೦ದಿನ ಇತಿಹಾಸದಲ್ಲಿ ಅಂತಹದ್ದೇನೂ ಆಗಿದ್ದಿಲ್ಲ. .ವಿಯೆಟ್ನಾಂ ಯುದ್ಧದ ಸಮಯದಲ್ಲಿ, ಪ್ರಬಲವಾದ ಯುದ್ಧ-ವಿರೋಧಿ ಚಳುವಳಿಯಲ್ಲಿ ತೊಡಗಿಸಿಕೊಂಡಿದ್ದವರು ಅನೇಕರು ಇದ್ದರು  ಆದರೆ ಯಾರೂ 

ವಿಯೆಟ್ನಾಂ ಗ್ರಾಮಕ್ಕೆ ಅಮೇರಿಕನ್ ಪಡೆಗಳು ದಾಳಿ ಮಾಡುವುದರಿಂದ ಜನರನ್ನು ರಕ್ಷಿಸಲು ಪ್ರಯತ್ನಿಸಲು ಹೋಗಲು ಯೋಚಿಸಲಿಲ್ಲ

ಫ್ರೆಂಚರು ಅಲ್ಜೀರಿಯಾದಲ್ಲಿದ್ದಾಗ,  ಅಲ್ಜೀರಿಯಾದಲ್ಲಿ ಫ್ರೆಂಚ್ ದೌರ್ಜನ್ಯಗಳು ಮತ್ತು ಅಪರಾಧಗಳನ್ನು ವಿರೋಧಿಸುವ  ಚಳುವಳಿ ಫ್ರಾನ್ಸ್‌ನಲ್ಲಿ ನಡೆಯಿತು, 

ಆದರೆ ಜನರು ಅಲ್ಜೀರಿಯಾದ ಹಳ್ಳಿಗಳಲ್ಲಿ ಅವರಿಗೆ ಸಹಾಯ ಮಾಡಿ ವಾಸಿಸಲು ಹೋಗಲಿಲ್ಲ

ವಾಸ್ತವವಾಗಿ, ಸಾಮ್ರಾಜ್ಯಶಾಹಿಯ ಸಂಪೂರ್ಣ ಇತಿಹಾಸದಲ್ಲಿ  ಅಂತಹದ್ದೇನೂ ತಿಳಿದಿಲ್ಲ. ಇದು ಒಂದು ಪ್ರಮುಖ,  ಜನಪ್ರಿಯ ಶಕ್ತಿ, ಬಹಳ ವಿಶಾಲವಾದದ್ದು, ಎಷ್ಟರ ವರೆಗೆ ಅ೦ದರೆ  ಅಮೆರಿಕವು  ಸ್ವಾತಂತ್ರ್ಯ ಚಳುವಳಿಯನ್ನು ಸೋಲಿಸಿದ  ನಂತರವೂ  ಸಹಾಯ ಮಾಡಲು ಇವರು ಉಳಿದುಕೊ೦ಡರು. 

ಇದೆಲ್ಲ  ‘ಎಡ’ ಕ್ರಿಯೆಯ  ಪ್ರಮುಖ ಭಾಗವಾಗಿದೆ. ಇದೀಗ ಯುವಕರಿದ್ದಾರೆ,

ಅಮೆರಿಕದಲ್ಲಿ ಅಳಿವು ವಿರೋಧಿ   ದಂಗೆ (Extinction Rebellion) ಅಥವಾ ಸೂರ್ಯೋದಯ ಚಳವಳಿ (Sunrise Movement) ಮು೦ತಾದವುಗಳ ಮೂಲಕ 

ನಿಮ್ಮ ಪೀಳಿಗೆಯ, ನನ್ನ ಪೀಳಿಗೆ ಜನರನ್ನು ಹವಾಮಾನ ವಿನಾಶದ ಮೂಲಕ ಸ್ವಯಂ ವಿನಾಶದಿಂದ ಮಾನವ ಸಮಾಜವನ್ನು ರಕ್ಷಿಸಲು ಏನನ್ನಾದರೂ ಮಾಡಲು ಉತ್ತೇಜಿಸಲು  ಬೀದಿಗಳಲ್ಲಿ, ನೆಲದ ಮೇಲೆ ಸಮರ್ಪಣೆಯಿ೦ದ  ಕಷ್ಟಪಟ್ಟು ಶ್ರಮಿಸುತ್ತಿದ್ದಾರೆ.

ಇವು ಅಗಾಧ ಚಲನೆಗಳು. ಇವುಗಳನ್ನು ಯಾವುದೇ ಹೆಸರಿನಿ೦ದ ಕರೆದರೂ, ನನ್ನ ಮಟ್ಟಿಗೆ ಅವುಗಳನ್ನು  ‘ಎಡ’ ಎಂದು ಕರೆಯುತ್ತೇನೆ,. ಆದ್ದರಿಂದ, ಹೌದು, ‘ಎಡ’ವು ಈ ಅರ್ಥದಲ್ಲಿ ಛಿದ್ರಗೊಂಡಿದೆ.  ಅದು ಹಾಗೆಯೇ ಇರಬೇಕು. ಅನೇಕ ವಿಭಿನ್ನ ಸಮಸ್ಯೆಗಳು ಇವೆ, ಅವು ಪರಸ್ಪರ ಅವಲಂಬಿತವಾಗಿವೆ ಆದರೆ ಪ್ರತ್ಯೇಕವಾಗಿರುತ್ತವೆ.     ಆದ್ದರಿಂದ, ಅವುಗಳ ಬಗ್ಗೆ ಕೆಲಸ ಮಾಡುವ ಜನರು

ಸಹಕರಿಸಬೇಕು, ಸಾಮಾನ್ಯ ಗುರಿ ಇದೆ ಎಂದು ಗುರುತಿಸಬೇಕು, ಅದರಿಂದ ಮಾನವ ಸಮಾಜವನ್ನು ಮೂರ್ಖತನ, ವಿನಾಶ, ದಬ್ಬಾಳಿಕೆ, ಹಿಂಸೆ, ಭಯೋತ್ಪಾದನೆಯಿಂದ ಉಳಿಸಲು ಪ್ರಯತ್ನಿಸಬೇಕು.  ಇದು ಎಲ್ಲಾ ‘ಎಡ’ಚಲನೆಯೇ. ಇದರಲ್ಲಿ ವಿಭಿನ್ನತೆಗಳಿವೆ.

ಇದನ್ನು ಒಂದೇ  ಸಂಘಟನೆ ಎಂದು ವ್ಯಾಖ್ಯಾನಿಸಲು ಯಾವುದೇ ಕಾರಣವಿಲ್ಲ. ಅ೦ತಹ ಒ೦ದು  ಸಂಘಟನೆ ಪ್ರಾಯಶಃ ಹಾನಿಕಾರಕವಾಗಬಹುದು

ಇದು ಹಲವು ರೀತಿಯಲ್ಲಿ ಧನಾತ್ಮಕ ಬೆಳವಣಿಗೆ ಎಂದು ನಾನು ಭಾವಿಸುತ್ತೇನೆ. ಬಹುಶಃ ಹೆಚ್ಚು ಜನರು ಹಿಂದಿನ ಸಂಘಟಿತ ‘ಎಡ’ದ ಅವಧಿಗಳಿಗಿಂತ ಇಂದು ಒಂದು ಅಥವಾ ಇನ್ನೊಂದು ರೀತಿಯ ಕ್ರಿಯಾಶೀಲತೆಯಲ್ಲಿ ತೊಡಗಿಸಿಕೊಂಡಿದ್ದಾರೆ.

ಈಗಿನ ಸಮಯದಲ್ಲಿ ಒ೦ದು ಗಂಭೀರ ಅಂತರವಿದೆ. ಹಿಂದೆ, ‘ಎಡ’ ಸಮಂಜಸವಾದ ಕಾರಣಗಳಿ೦ದಾಗಿ ಯಾವಾಗಲೂ ಕಾರ್ಮಿಕ ಚಳುವಳಿಯಲ್ಲಿ ಕೇಂದ್ರೀಕೃತವಾಗಿತ್ತು, ಎ೦ದರೆ ಜನರು ಉತ್ಪಾದನೆಯಲ್ಲಿ ತೊಡಗಿರುವ   ಪರಿಸರ. 

ಆದರೆ ಸಮಾಜದ ಕಾರ್ಯನಿರ್ವಹಣೆಗೆ ಇದು ಮುಖ್ಯವಾಗಿದೆ. ಇದು ಜನರು ಒಟ್ಟಾಗಿ ಕೆಲಸ ಮಾಡುವ ಸ್ಥಳವಾಗಿದೆ.

ಈಗಾಗಲೇ ಕಾರ್ಖಾನೆಗಳಲ್ಲಿ, ಅಮೆಜಾನ್ ಗೋದಾಮಿನಲ್ಲಿ, ಯಾವುದೇ ಆಗಲಿ, ಸಾಮೂಹಿಕ ಕ್ರಿಯೆಯಲ್ಲಿ ತೊಡಗಿದ್ದಾರೆ. 

ಕಾರ್ಮಿಕ ಚಳವಳಿಯು ಐತಿಹಾಸಿಕವಾಗಿ ಹೆಚ್ಚಿನ ಜನರ ಜೀವನವನ್ನು ಸುಧಾರಿಸುವ ಸಕಾರಾತ್ಮಕ ಕ್ರಮಗಳನ್ನು ಮುಂದಕ್ಕೆ ಒಯ್ಯುವುದರಲ್ಲಿ ಪ್ರಮುಖ ಪಾತ್ರವನ್ನು ವಹಿಸಿತ್ತು.  ಸಾಮಾಜಿಕ ಭದ್ರತೆ (Social Security) , ಆರೋಗ್ಯ ನೆರವು (Medicare),  ಅವುಗಳ  ಸಾಮಾಜಿಕ ಪ್ರಯೋಜನಗಳು ಏನೇ ಆಗಿದ್ದರೂ,  ಹೆಚ್ಚಾಗಿ ೧೯೩೦ರ  ಮತ್ತು ನಂತರದ ವರ್ಷಗಳಲ್ಲಿ ಕಾರ್ಮಿಕ ಚಳುವಳಿಗಳ ಉಗ್ರಗಾಮಿತ್ವದಿಂದ  ಉದಯಿಸಿದವು.

ನೋಡಿ, ಸಾರ್ವಕಾಲಿಕ ವರ್ಗ ಕಲಹ  ಬಿಡುವಿಲ್ಲದೇ ನಡೆಯುತ್ತಿದೆ.

ವರ್ಗ-ಯುದ್ಧದ ಯಜಮಾನ ತ೦ಡದ ಮುಖ್ಯಸ್ಥರಾಗಿದ್ದರು ಪ್ರೆಸಿಡೆ೦ಟ್ ರೇಗನ್. ಇಂಗ್ಲೆಂಡಿನಲ್ಲಿ ಥ್ಯಾಚರ್ ಮಾಡಿದ೦ತೆ  ಕಾರ್ಮಿಕ ಆ೦ದೋಲನವನ್ನು  ನಾಶಮಾಡಲು ಪ್ರಯತ್ನಿಸುವದು ಅವರ ಮೊದಲ ಕಾರ್ಯಗಳಲ್ಲಿ ಒಂದಾಗಿತ್ತು. ಅವರ ಮಟ್ಟಿಗೆ ಇದಕ್ಕೆ ಒಳ್ಳೆಯ ಕಾರಣಗಳಿದ್ದವು. 

ಏಕ೦ದರೆ  ಪ್ರಜೆಗಳ ವಿರುಧ್ಧ  ದಾಳಿ ಮಾಡಲು ಹೋಗುವವರು ಅವರು (ಪ್ರಜೆಗಳು) ರಕ್ಷಣಾ ಸಾಧನಗಳನ್ನು ಹೊಂದಿಲ್ಲ ಎಂದು  ಖಚಿತಪಡಿಸಿಕೊಳ್ಳಬೇಕು. 

ಹೀಗೆ ನವ ಉದಾರವಾದ (Neo-liberalism)ಎಂದು ಕರೆಯಲ್ಪಡುವ ೪೦ ವರ್ಷಗಳನ್ನು ಮೀರಿದ ಮೂಲಭೂತವಾಗಿ ಘೋರ ವರ್ಗ-ಯುದ್ಧದ ಕಾಲದಲ್ಲಿ   ನಾವು ಬದುಕಿದ್ದೇವೆ

ಇದು ಎಲ್ಲೆಡೆ ತುಂಬಾ ಹಾನಿಕಾರಕ, ಅಹಿತಕರ  ಪರಿಣಾಮಗಳನ್ನು ಬೀರಿತು. ಇವನ್ನು ಪರಿಶೀಲಿಸಿದಲ್ಲಿ ವರ್ಗ ಯುದ್ಧದ ಪ್ರಮಾಣದ ಕೆಲವು ಅಳತೆಗಳು ಸಿಗುತ್ತವೆ, ಅವುಗಳನ್ನು ನೆನಪಿನಲ್ಲಿಟ್ಟುಕೊಳ್ಳುವುದು ಯೋಗ್ಯವಾಗಿದೆ. 

ಆದ್ದರಿಂದ ರಾಂಡ್ ನಿಗಮ, ಅರೆ-ಸರ್ಕಾರಿ, ಅತ್ಯಂತ ಗೌರವಾನ್ವಿತ ಸ೦ಸ್ಥೆ, ಸಂಶೋಧನಾ ಅಧ್ಯಯನಗಳನ್ನು, ಹೆಚ್ಚಾಗಿ ಸರ್ಕಾರಕ್ಕಾಗಿ,  ಮಾಡುತ್ತದೆ. ಈ ಸ೦ಸ್ಥೆಯು ಸಮಾಜದ  ಕೆಳಗಿನ ೯೦% ಆರ್ಥಿಕ ವರ್ಗದಿ೦ದ  - ಅ೦ದರೆ ಕಾರ್ಮಿಕ ವರ್ಗ, ಮಧ್ಯಮ ವರ್ಗಗಳಿ೦ದ - ಜನಸಂಖ್ಯೆಯ ಅಗ್ರ ೧% ಗೆ ರೇಗನ್‌ನ ಕಾಲದಿ೦ದ ಹಿಡಿದು  ಎಷ್ಟು ಸಂಪತ್ತನ್ನು ವರ್ಗಾಯಿಸಲಾಯಿತು ಎನ್ನುವ ಬಗ್ಗೆ  ಅಧ್ಯಯನವನ್ನು ಮಾಡಿದೆ. ಅವರ ಅಂದಾಜು $೫೦ ಟ್ರಿಲಿಯನ್ (೫೦ ಲಕ್ಷ ಕೋಟಿ ಡಾಲರುಗಳು). ನಿಸ್ಸ೦ಶಯವಾಗಿ  ಬಹಳ ಪ್ರಭಾವಶಾಲಿ ವರ್ಗ ಯುದ್ಧವಾಗಿದೆ   !                                     

ಇದು ಸಾಕಷ್ಟು ಪರಿಣಾಮಗಳನ್ನು ಹೊಂದಿದೆ. ಅಸಮಾಧಾನ, ಕೋಪ, ಸ್ಥಾಪನೆಗಳ ಬಗ್ಗೆ ಅಪನಂಬಿಕೆ ಸೇರಿದಂತೆ ಎಲ್ಲವನ್ನೂ ನಾವು ನೋಡುತ್ತೇವೆ

ಟ್ರಂಪ್, ಸಾಂಟಿಸ್ ಮತ್ತು ಇತರ ವಿಧದ ಜನಪ್ರಚೋದಕ ರಾಜಕಾರಣಿ ವಾಗ್ಮಿಗಳಿಗೆ ಫಲವತ್ತಾದ ನೆಲ.

ಯುರೋಪ್‌ನಲ್ಲಿ ಇದೇ  ರೀತಿಯ ಪರಿಣಾಮಗಳು, ಅದೇ ರೀತಿಯ ಪ್ರಯತ್ನಗಳಿಂದ ಬಲ ಪ೦ಥದ ಬೆಳವಣಿಗೆ ಕ೦ಡು  ಬರುತ್ತವೆ. ಆದ್ದರಿಂದ ಅದು ವರ್ಗ ಯುದ್ಧ, ಕಷ್ಟಪಡುತ್ತಿರುವವರ ಹೋರಾಟ.  ಮತ್ತು ಈಗ ಕಾರ್ಮಿಕ ಚಳುವಳಿಯ ಪುನರುಜ್ಜೀವನವು ಶ್ರೀಮಂತ ಯಜಮಾನರಿಗಾಗಿ ಅಲ್ಲ ಸಾಮಾನ್ಯ ಒಳಿತಿಗಾಗಿ ನೀತಿಗಳನ್ನು ಸ್ಥಾಪಿಸಲು ಪ್ರಯತ್ನಿಸುವದನ್ನು ಮುಂದುವರಿಸುವುದಕ್ಕೆ ಮಹತ್ವದ ವಿಷಯ ,  ಎಂದು ನಾನು ಭಾವಿಸುತ್ತೇನೆ

ಇದು ನನ್ನ ಅಭಿಪ್ರಾಯದಲ್ಲಿ ಮೂಲತಃ ನಾವು ಈಗ ಇರುವ ಪರಿಸ್ಥಿತಿ.

ಸ೦ದರ್ಶಕ : ವಿಷಯಗಳು ನಡೆಯುತ್ತಿರುವ ದಿಕ್ಕಿನ ಬಗ್ಗೆ ನೀವು ಸ್ವಲ್ಪ ಆಶಾವಾದವನ್ನು ಹೊಂದಿರುವಂತೆ ತೋರುತ್ತಿದೆ.

ಚೊಮ್ಸ್ಕಿ : ಇದು ತಮಾಷೆಯ ಕಲ್ಪನೆ, ಆಶಾವಾದ. 

ಜನಪ್ರಿಯವಾದ ಒಂದು ಪ್ರಸಿದ್ಧ ಹೇಳಿಕೆ ಇದೆ . ಆಂಟೋನಿಯೊ ಗ್ರಾಮ್ಸಿ, ಇಟಾಲಿಯನ್ ಮಾರ್ಕ್ಸ್‌ವಾದಿ ಅರಾಜಕತಾವಾದಿ ಕಾರ್ಯಕರ್ತ, ಮುಸೊಲಿನಿಯಿಂದ ಜೈಲಿನಲ್ಲಿದ್ದ,

ಬರೆಯಲು, ಜರ್ನಲ್ ಅನ್ನು ಪ್ರಕಟಿಸಲು ಸಾಧ್ಯವಾದಾಗ, ಆತನ ಪುಟದ ಆರ೦ಭದಲ್ಲಿ  ಘೋಷಣೆ  ಹೇಳುತ್ತಿತ್ತು :

“ಬುದ್ಧಿಶಕ್ತಿಯ  ನಿರಾಶಾವಾದ, ಇಚ್ಚಾಶಕ್ತಿಯ  ಆಶಾವಾದ” !

ಇದು ಒಳ್ಳೆಯ ಸಂದೇಶ ಎಂದು ನಾನು ಭಾವಿಸುತ್ತೇನೆ.