ಭಾರತವು 2022 ರಲ್ಲಿ ಕಾರ್ಯಕರ್ತರು, ಮಾಧ್ಯಮಗಳ ಮೇಲೆ ದಬ್ಬಾಳಿಕೆಯನ್ನು ತೀವ್ರಗೊಳಿಸಿತು: ಮಾನವತಾ ಹಕ್ಕುಗಳ ಕಾವಲು ಸ೦ಸ್ಥೆ Human Rights Watch (HRW) - ಹ್ಯೂಮನ್ ರೈಟ್ಸ್ ವಾಚ್ ವರದಿ

ಭಾರತದಾದ್ಯಂತ ಅಧಿಕಾರಿಗಳು ಕಾರ್ಯಕರ್ತರು, ಪತ್ರಕರ್ತರು ಮತ್ತು ಸರ್ಕಾರದ ಇತರ ಟೀಕಾಕಾರರನ್ನು ಭಯೋತ್ಪಾದನೆ ಸೇರಿದಂತೆ "ರಾಜಕೀಯ ಪ್ರೇರಿತ" ಕ್ರಿಮಿನಲ್ ಆರೋಪಗಳ ಮೇಲೆ ಬಂಧಿಸಿದ್ದಾರೆ ಎಂದು ಹ್ಯೂಮನ್ ರೈಟ್ಸ್ ವಾಚ್ ವರದಿ ಹೇಳಿದೆ. 

ಜನವರಿ 12, 2023     ‘ದಿ ಹಿ೦ದು’  ದಿನಪತ್ರಿಕೆಯ ವರದಿ

 

ಬುಲ್ಡೋಜರ್ ಉತ್ತರ ಪ್ರದೇಶದ ಅಧಿಕಾರಿಗಳು ಗಲಭೆಗಳಲ್ಲಿ ಭಾಗಿಯಾಗಿದ್ದಾರೆಂದು ಆರೋಪಿಸಿ ಪ್ರಯಾಗ ರಾಜ್ ನಲ್ಲಿರುವ ಮುಸ್ಲಿಂ ವ್ಯಕ್ತಿಯೊಬ್ಬರ ಮನೆಯನ್ನು ಕೆಡವಿದರು. ಅಕ್ರಮವಾಗಿ ಮನೆ ನಿರ್ಮಿಸಲಾಗಿದೆ ಎಂದು ಅಧಿಕಾರಿಗಳು ಆರೋಪಿಸಿದ್ದಾರೆ. | ಫೋಟೋ ಕ್ರೆಡಿಟ್: ರಾಯಿಟರ್ಸ್

 ಹ್ಯೂಮನ್ ರೈಟ್ಸ್ ವಾಚ್‌ನ ‘ವರ್ಲ್ಡ್ ರಿಪೋರ್ಟ್ 2023’  (ಜಾಗತಿಕ ವರದಿ ೨೦೨೩)  ಭಾರತೀಯ ಅಧಿಕಾರಿಗಳು 2022 ರ ವೇಳೆಗೆ ಕಾರ್ಯಕರ್ತರ ಗುಂಪುಗಳು ಮತ್ತು ಮಾಧ್ಯಮಗಳ ಮೇಲೆ ತಮ್ಮ ಶಿಸ್ತುಕ್ರಮವನ್ನು "ತೀವ್ರಗೊಳಿಸಿದ್ದಾರೆ ಮತ್ತು ವಿಸ್ತರಿಸಿದ್ದಾರೆ" ಎಂದು ಹೇಳಿದರು. "ಹಿಂದೂ ರಾಷ್ಟ್ರೀಯತಾವಾದಿ" ಭಾರತೀಯ ಜನತಾ ಪಕ್ಷ ನೇತೃತ್ವದ ಸರ್ಕಾರವು “ಮುಸ್ಲಿಮರು ಮತ್ತು ಇತರ ಅಲ್ಪಸಂಖ್ಯಾತರನ್ನು ನಿಗ್ರಹಿಸುವ ನಿಂದನಾತ್ಮಕ  ಮತ್ತು ತಾರತಮ್ಯದ  ನೀತಿಗಳನ್ನು ಬಳಸಿದೆ" ಎಂದು ಹೇಳಿದರು. 

"ಬಿಜೆಪಿ ಸರ್ಕಾರದ ಹಿಂದೂ ಬಹುಸಂಖ್ಯಾತ ಸಿದ್ಧಾಂತದ ಪ್ರಚಾರವು ಧಾರ್ಮಿಕ ಅಲ್ಪಸಂಖ್ಯಾತರ ವಿರುದ್ಧ ತಾರತಮ್ಯ ಮತ್ತು ಕೆಲವೊಮ್ಮೆ ಹಿಂಸಾತ್ಮಕ ಕ್ರಮಗಳಲ್ಲಿ ತೊಡಗಿಸಿಕೊಳ್ಳಲು ಅಧಿಕಾರಿಗಳು ಮತ್ತು ಬೆಂಬಲಿಗರನ್ನು ಪ್ರಚೋದಿಸುತ್ತದೆ" ಎಂದು ಹ್ಯೂಮನ್ ರೈಟ್ಸ್ ವಾಚ್‌ನ ದಕ್ಷಿಣ ಏಷ್ಯಾ ನಿರ್ದೇಶಕಿ ಮೀನಾಕ್ಷಿ ಗಂಗೂಲಿ ಹೇಳಿದರು.   "ವಿಮರ್ಶಕರನ್ನು ಜೈಲಿಗೆ ತಳ್ಳುವುದು ಮತ್ತು ಹಕ್ಕುಗಳ ಗುಂಪುಗಳನ್ನು ಮುಚ್ಚುವದರ" ಬದಲಿಗೆ ಈ ದುರುಪಯೋಗಗಳಿಗೆ ಜವಾಬ್ದಾರರಾಗಿರುವ ಪಕ್ಷದ ಸದಸ್ಯರು ಹಾಗೂ  ಬೆಂಬಲಿಗರನ್ನು   ಅಧಿಕಾರಿಗಳು ನಿಯ೦ತ್ರಿಸ  ಬೇಕು ಎಂದು ಹೇಳಿದರು

 

 

ಅದರ 33 ನೇ ಆವೃತ್ತಿಯಲ್ಲಿ 712 ಪುಟಗಳ ವರದಿಯು ಸುಮಾರು 100 ದೇಶಗಳಲ್ಲಿ ಮಾನವ ಹಕ್ಕುಗಳ ಅಭ್ಯಾಸಗಳನ್ನು ಪರಿಶೀಲಿಸುತ್ತದೆ. ಭಾರತದ ಕುರಿತಾದ ವಿಭಾಗದಲ್ಲಿ, ಭಯೋತ್ಪಾದನೆ ಸೇರಿದಂತೆ "ರಾಜಕೀಯ ಪ್ರೇರಿತ" ಕ್ರಿಮಿನಲ್ ಆರೋಪಗಳ ಮೇಲೆ ಭಾರತದಾದ್ಯಂತ ಅಧಿಕಾರಿಗಳು ಕಾರ್ಯಕರ್ತರು, ಪತ್ರಕರ್ತರು ಮತ್ತು ಸರ್ಕಾರದ ಇತರ ವಿಮರ್ಶಕರನ್ನು ಬಂಧಿಸಿದ್ದಾರೆ ಎಂದು ವರದಿಯು  ಹೇಳಿದೆ. 

"ಬಿಜೆಪಿ ಆಡಳಿತದ ಹಲವಾರು ರಾಜ್ಯಗಳಲ್ಲಿನ ಅಧಿಕಾರಿಗಳು ಕಾನೂನು ಅನುಮತಿ ಅಥವಾ ಕಾನೂನು ಪ್ರಕ್ರಿಯೆಯಿಲ್ಲದೆ ಮುಸ್ಲಿಂ ಮನೆಗಳು ಮತ್ತು ಆಸ್ತಿಗಳನ್ನು ಕೆಡವಿದ್ದಾರೆ" ಎಂದು HRW ಹೇಳಿಕೆಯಲ್ಲಿ ತಿಳಿಸಿದೆ.  ಅಧಿಕಾರಿಗಳು "ಕ್ರೈಸ್ತರನ್ನು, ವಿಶೇಷವಾಗಿ ದಲಿತ ಮತ್ತು ಆದಿವಾಸಿ ಸಮುದಾಯಗಳಿಗೆ ಸೇರಿದವರನ್ನು ಗುರಿಯಾಗಿಸಲು" ಬಲವಂತದ ಧಾರ್ಮಿಕ ಮತಾಂತರವನ್ನು ನಿಷೇಧಿಸುವ ಕಾನೂನುಗಳನ್ನು "ದುರುಪಯೋಗಪಡಿಸಿಕೊಂಡಿದ್ದಾರೆ" ಎಂದು ಹೇಳಿದರು.

 ಬಿಲ್ಕಿಸ್ ಬಾನೊ ಅವರ ಸಾಮೂಹಿಕ ಅತ್ಯಾಚಾರ ಮತ್ತು ಆಕೆಯ ಕುಟುಂಬದ 14 ಸದಸ್ಯರನ್ನು ಹತ್ಯೆಗೈದ ಪ್ರಕರಣದಲ್ಲಿ ಅಪರಾಧಿ ಮತ್ತು ಜೀವಾವಧಿ ಶಿಕ್ಷೆಗೆ ಒಳಗಾದ 11 ಹಿಂದೂ ಪುರುಷರ ಬಿಡುಗಡೆ ಮತ್ತು ಕೆಲವು ಬಿಜೆಪಿ ಸದಸ್ಯರಿ೦ದ ಅವರ ಬಿಡುಗಡೆಯ ಸಂಭ್ರಮಾಚರಣೆಯನ್ನು ಉಲ್ಲೇಖಿಸಿ, “ಮಹಿಳೆಯರ ಮೇಲಿನ ದೌರ್ಜನ್ಯ ಪ್ರಕರಣಗಳಲ್ಲಿಯೂ ಸಹ ಅಲ್ಪಸಂಖ್ಯಾತ ಸಮುದಾಯಗಳ ಕಡೆಗೆ ಸರ್ಕಾರದ ತಾರತಮ್ಯದ ನಿಲುವನ್ನು ಈ ಕ್ರಮವು ಎತ್ತಿ ತೋರಿಸುತ್ತದೆ”, ಎ೦ದು ಹೇಳಿದೆ. 

 

 

ಜಮ್ಮು ಮತ್ತು ಕಾಶ್ಮೀರದಲ್ಲಿ, 370 ನೇ ವಿಧಿಯನ್ನು ತೆಗೆದುಹಾಕಿ ಮತ್ತು ಎರಡು ಫೆಡರಲ್-ಆಡಳಿತ ಪ್ರದೇಶಗಳನ್ನು ರಚಿಸಿದ ಮೂರು ವರ್ಷಗಳ ನಂತರವೂ, "ಸರ್ಕಾರವು ಅಲ್ಲಿ ಮುಕ್ತ ಅಭಿವ್ಯಕ್ತಿ, ಶಾಂತಿಯುತ ಸಭೆ ಮತ್ತು ಇತರ ಮೂಲಭೂತ ಹಕ್ಕುಗಳನ್ನು ನಿರ್ಬಂಧಿಸುವುದನ್ನು ಮುಂದುವರೆಸಿದೆ" ಎಂದು HRW ಹೇಳಿದೆ. 

 ಜಾಗತಿಕ ಮಾನವ ಹಕ್ಕುಗಳ ವೀಕ್ಷಕ ಸ೦ಸ್ಥೆಯ ಈ ವರದಿಯು   ಕಾಶ್ಮೀರ ಕಣಿವೆಯಲ್ಲಿ ಅಲ್ಪಸಂಖ್ಯಾತ ಹಿಂದೂ ಮತ್ತು ಸಿಖ್ ಸಮುದಾಯಗಳ ಮೇಲೆ ಶಂಕಿತ ಉಗ್ರಗಾಮಿ ದಾಳಿಗಳನ್ನು ಮತ್ತು ಕಾಶ್ಮೀರಿ ಫೋಟೋ ಜರ್ನಲಿಸ್ಟ್ ಸನ್ನಾ ಇರ್ಷಾದ್ ಮಟ್ಟೋ ಅವರು ಪುಲಿಟ್ಜೆರ್ ಪ್ರಶಸ್ತಿಯನ್ನು ಸ್ವೀಕರಿಸಲು ದೇಶವನ್ನು ತೊರೆಯದಂತೆ ತಡೆಯಲಾದದ್ದನ್ನು ಉಲ್ಲೇಖಿಸಿದೆ. ಪತ್ರಕರ್ತರು ಮತ್ತು ಕಾರ್ಯಕರ್ತರನ್ನು "ನಿರಂಕುಶವಾಗಿ" ಬಂಧಿಸಲು ಅಧಿಕಾರಿಗಳು  ಜಮ್ಮು ಮತು ಕಾಶ್ಮೀರಿನ ಸಾರ್ವಜನಿಕ ಸುರಕ್ಷತಾ ಕಾಯಿದೆ ಮತ್ತು UAPA (ಕಾನೂನುಬಾಹಿರ ಚಟುವಟಿಕೆಗಳ ತಡೆ ಕಾಯಿದೆ)ಯನ್ನು ಸಹ ಅನ್ವಯಿಸಿದ್ದಾರೆ ಎಂದು ಅದು ಸೇರಿಸಿದೆ. 

ತೆರಿಗೆ ದಾಳಿಗಳು, ವಿದೇಶಿ ಕೊಡುಗೆಗಳ ನಿಯಂತ್ರಣ ಕಾಯ್ದೆಯ ಬಳಕೆ ಮತ್ತು ಹಣಕಾಸಿನ ಅಕ್ರಮಗಳ ಇತರ ಆರೋಪಗಳ ಮೂಲಕ ದೇಶದಾದ್ಯಂತ ಭಾರತೀಯ ಅಧಿಕಾರಿಗಳು ಹಕ್ಕುಗಳ ಗುಂಪುಗಳಿಗೆ ಕಿರುಕುಳ ನೀಡಿದ್ದಾರೆ ಎಂದು ಅದು ಸೇರಿಸಿದೆ. 

 

 

ಭಾರತದಲ್ಲಿನ ಮಾನವ ಹಕ್ಕುಗಳ ಪರಿಸ್ಥಿತಿಯನ್ನು ಎತ್ತಿ ತೋರಿಸಲು, UN (ಸ೦ಯುಕ್ತ ರಾಷ್ಟ್ರ ಸ೦ಘ) ಮಾನವ ಹಕ್ಕುಗಳ ಮಂಡಳಿಯಲ್ಲಿ ಭಾರತ  ದೇಶದ ಸಾರ್ವತ್ರಿಕ ಆವರ್ತಕ ಅವಲೋಕನದ ಸಂದರ್ಭದಲ್ಲಿ, "ಸದಸ್ಯ ರಾಷ್ಟ್ರಗಳು ಅಲ್ಪಸಂಖ್ಯಾತ ಸಮುದಾಯಗಳು ಮತ್ತು ದುರ್ಬಲ ಗುಂಪುಗಳನ್ನು ರಕ್ಷಿಸುವ ಅಗತ್ಯತೆ ಸೇರಿದಂತೆ ಹಲವಾರು ವಿಷಯಗಳ ಬಗ್ಗೆ ಕಳವಳ ವ್ಯಕ್ತಪಡಿಸಿವೆ ಮತ್ತು  ಲಿಂಗ ಆಧಾರಿತ ಹಿಂಸಾಚಾರವನ್ನು ನಿಭಾಯಿಸಿ, ನಾಗರಿಕ ಸಮಾಜದ ಸ್ವಾತಂತ್ರ್ಯಗಳನ್ನು ಎತ್ತಿಹಿಡಿಯಿರಿ, ಮಾನವ ಹಕ್ಕುಗಳ ರಕ್ಷಕರನ್ನು ರಕ್ಷಿಸಿ ಮತ್ತು ಬಂಧನದಲ್ಲಿ ಚಿತ್ರಹಿಂಸೆಯನ್ನು ಕೊನೆಗೊಳಿಸಿ. ಎ೦ಬ ಶಿಫಾರಸುಗಳನ್ನು ಮಾಡಿದೆ" ಎಂದು HRW ಗಮನಿಸಿದೆ.

 

 ಸರ್ವೋಚ್ಚ ನ್ಯಾಯಾಲಯದ  ತೀರ್ಪುಗಳು ಸ್ವಾಗತಾರ್ಹ

ಏತನ್ಮಧ್ಯೆ, HRW ಭಾರತದಲ್ಲಿ ಸುಪ್ರೀಂ ಕೋರ್ಟ್ ತೆಗೆದುಕೊಂಡ ಹೆಚ್ಚುತ್ತಿರುವ ಉದಾರ ಕ್ರಮಗಳನ್ನು  "ಸರಕಾರದ ಟೀಕಾಕಾರರನ್ನು ಬಂಧಿಸಲು ಪದೇ ಪದೇ ಬಳಸಲಾದ" ವಸಾಹತುಶಾಹಿ ಯುಗದ ದೇಶದ್ರೋಹ ಕಾನೂನಿನ ಎಲ್ಲಾ ಬಳಕೆಯನ್ನು ನಿಲ್ಲಿಸುವ ತೀರ್ಪನ್ನು ಪ್ರತ್ಯೇಕವಾಗಿ ಉಲ್ಲೇಖಿಸಿ ಗಮನಿಸಿದೆ . ವೈವಾಹಿಕ ಸ್ಥಿತಿಯನ್ನು ಲೆಕ್ಕಿಸದೆ ಎಲ್ಲಾ ಮಹಿಳೆಯರಿಗೆ ಮತ್ತು ಸಿಸ್ಜೆಂಡರ್ ಮಹಿಳೆಯರನ್ನು ಹೊರತುಪಡಿಸಿ ಇತರ ಜನರಿಗೆ ಗರ್ಭಪಾತದ ಹಕ್ಕುಗಳನ್ನು ವಿಸ್ತರಿಸುವ ಉನ್ನತ ನ್ಯಾಯಾಲಯದ ತೀರ್ಪನ್ನು ಇದು ಉಲ್ಲೇಖಿಸಿದೆ; ಸಲಿಂಗ ದಂಪತಿಗಳು, ಒಂಟಿ ಪೋಷಕರು ಮತ್ತು ಇತರ ಮನೆಮಂದಿಗಳನ್ನು ಒಳಗೊಂಡಂತೆ ಕುಟುಂಬದ ವ್ಯಾಖ್ಯಾನವನ್ನು ವಿಸ್ತರಿಸಿದ್ದಕ್ಕಾಗಿ ನ್ಯಾಯಾಲಯವನ್ನು ಶ್ಲಾಘಿಸಿದೆ. . 

ಲೈಂಗಿಕ ದೌರ್ಜನ್ಯದಿಂದ ಬದುಕುಳಿದವರನ್ನು ರಕ್ಷಿಸುವ ಒಂದು ಹಂತದಲ್ಲಿ ಎರಡು ಬೆರಳು ಪರೀಕ್ಷೆಗಳನ್ನು  ಸುಪ್ರೀಂ ಕೋರ್ಟ್ ನಿಷೇಧಿಸಿರುವುದನ್ನು ಇದು ಗಮನಿಸಿದೆ ಆದರೆ, “ಬಿಜೆಪಿ ನೇತೃತ್ವದ ಕರ್ನಾಟಕ ರಾಜ್ಯದಲ್ಲಿನ ವಿದ್ಯಾಲಯಗಳಲ್ಲಿ ಮುಸ್ಲಿಂ ವಿದ್ಯಾರ್ಥಿನಿಯರು  ಹಿಜಾಬ್, ಶಿರವಸ್ತ್ರವನ್ನು ಧರಿಸಬಹುದೇ ಎಂಬ ಬಗ್ಗೆಇಬ್ಬರು ನ್ಯಾಯಾಧೀಶರು ವಿರುದ್ಧ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದು,  ಸುಪ್ರೀಂ ಕೋರ್ಟ್ ನಿರ್ಣಯಕ್ಕೆ ತಲುಪಿಲ್ಲ.”

ವಿಶ್ವ ವರದಿ 2023 ರ ಪರಿಚಯಾತ್ಮಕ ಪ್ರಬಂಧದಲ್ಲಿ, ಕಾರ್ಯನಿರ್ವಾಹಕ ನಿರ್ದೇಶಕ ಟಿರಾನಾ ಹಾಸನ್ ಅವರು ಮಾನವ ಹಕ್ಕುಗಳನ್ನು ರಕ್ಷಿಸಲು ಉತ್ತರ ಅಮೆರಿಕಾ, ಯುರೋಪ್ ಮತ್ತು ಆಸ್ಟ್ರೇಲಿಯಾದಂತಹ ಶ್ರೀಮಂತ ಮತ್ತು ಶಕ್ತಿಯುತ ಪ್ರದೇಶಗಳ (ಇವನ್ನು ‘Global North’ -“ಜಾಗತಿಕ ಉತ್ತರ"  ಎ೦ದು ಕರೆಯಲಾಗುತ್ತಿದೆ) ಸರ್ಕಾರಗಳ ಸಣ್ಣ ಗುಂಪನ್ನು ಅವಲಂಬಿಸಲು ಇನ್ನು ಮುಂದೆ ಸಾಧ್ಯವಿಲ್ಲ ಎಂದು ಹೇಳಿದರು. “ತಮ್ಮ  ನೀತಿಗಳಿಗೆ ಮಾನವ ಹಕ್ಕುಗಳ ಚೌಕಟ್ಟನ್ನು ಅನ್ವಯಿಸುವ  ಮತ್ತು ನಂತರ ಮಾನವ ಹಕ್ಕುಗಳನ್ನು ರಕ್ಷಿಸಲು ಮತ್ತು ಉತ್ತೇಜಿಸಲು ಒಟ್ಟಾಗಿ ಕೆಲಸ ಮಾಡುವ  ಜವಾಬ್ದಾರಿಯು ದೊಡ್ಡ ಮತ್ತು ಚಿಕ್ಕ ಎಲ್ಲಾ ರಾಷ್ಟ್ರಗಳ ಮೇಲಿದೆ, " ಎಂದು ಅವರು ಹೇಳಿದರು.