ಅಭಿಪ್ರಾಯಮಾಧ್ಯಮ
ಸಿಧ್ಧಾರ್ಥ್ ವರದರಾಜನ್ ಭಾಷಣ ಭಾಗ - ೨
ಭಾರತದ ಪ್ರಜಾಪ್ರಭುತ್ವ ಮತ್ತು ಮಾಧ್ಯಮ ರಕ್ಷಣೆಗೆ ಕರೆ
3. 'ಸ್ವಾತಂತ್ರ್ಯ ವಿಧ್ವಂಸಕ':
ಕಳೆದ ವರ್ಷ ಇಸ್ರೇಲಿ ಕಂಪನಿ NSO ಗ್ರೂಪ್ನ ಭಾರತದ ಗುರುತಿಸಲಾಗದ ಸರ್ಕಾರಿ ಗ್ರಾಹಕರಿ೦ದ ಮಿಲಿಟರಿ-ದರ್ಜೆಯ ಸ್ಪೈವೇರ್ ''ಪೆಗಸಸ್'' (ಗೂಢಚಾರಿಕೆಯ ಸಾಧನ) ಗಳ ಖರೀದಿ ಮತ್ತು ಅನೇಕ ಗುರಿಗಳ ವಿರುಧ್ಧ ಅದರ ಬಳಕೆಯ ಬಗ್ಗೆ ಪ್ರಮುಖ ಕಥೆಯನ್ನು ನಾವು (‘ದಿ ವಯರ್’) ಪ್ರಕಟಿಸಲು ಸಹಾಯಿಸಿದೆವು. ನಾವು ಪರಿಶೀಲಿಸಲು ಸಾಧ್ಯವಾದ 300-ಬೆಸ ದೂರವಾಣಿ ಸಂಖ್ಯೆಗಳಲ್ಲಿ ಸುಮಾರು 40 ಪತ್ರಕರ್ತರಿಗೆ ಸಂಬಂಧಿಸಿದೆ. ಅದರಲ್ಲಿ ಐವರು ದಿ ವೈರ್ಗಾಗಿ ಅಥವಾ ಪ್ರಾಥಮಿಕವಾಗಿ ಅದಕ್ಕಾಗಿ ಬರೆಯುವ ಪತ್ರಕರ್ತರಿಗೆ ಸೇರಿದವರು. ನನ್ನ ವಿಷಯದಲ್ಲಿ ಮತ್ತು ನನ್ನ ಸಹ-ಸಂಸ್ಥಾಪಕ ಸಂಪಾದಕ ಎಂಕೆ ವೇಣು ಅವರ ಪ್ರಕರಣದಲ್ಲಿ, ಅಪರಾಧ ಪುರಾವೆಯ ಪರೀಕ್ಷೆಗಳು ನಮ್ಮ ಸ್ಮಾರ್ಟ್ಫೋನ್ಗಳಲ್ಲಿ ಪೆಗಾಸಸ್ ಇರುವಿಕೆಯನ್ನು ಸ್ಥಾಪಿಸಿದವು. ಮಾನವ ಹಕ್ಕುಗಳ ರಕ್ಷಕರು, ವಕೀಲರು, ವಿರೋಧ ಪಕ್ಷದ ರಾಜಕೀಯ ತಂತ್ರಜ್ಞ ಪ್ರಶಾಂತ್ ಕಿಶೋರ್, ರಾಹುಲ್ ಗಾಂಧಿ , ಮತ್ತು ರಂಜನ್ ಗೊಗೊಯ್ ಅವರು ಭಾರತದ ಮುಖ್ಯ ನ್ಯಾಯಮೂರ್ತಿಯಾಗಿದ್ದಾಗ ಅವರ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪಗಳನ್ನು ಎತ್ತಿದ್ದ ಯುವತಿ ಸಹ ಸೇರಿದಂತೆ ಇತರರನ್ನು ಗುರಿಯಾಗಿಸಲಾಗಿದೆ.
ಮೋದಿ ಸರ್ಕಾರವು ಪೆಗಾಸಸ್ ಬಳಕೆಯನ್ನು ಖಚಿತಪಡಿಸಲು ಅಥವಾ ನಿರಾಕರಿಸಲು ಒಪ್ಪಲಿಲ್ಲ ಮತ್ತು ವಿವರವಾದ ಅಫಿಡವಿಟ್ ಸಲ್ಲಿಸುವುದಿಲ್ಲ ಎಂದೂ ಹೇಳಿದೆ. ಆದಾಗ್ಯೂ, ರಾಷ್ಟ್ರೀಯ ಭದ್ರತೆಯ ಆಧಾರದ ಮೇಲೆ ತನಿಖೆಯನ್ನು ತಪ್ಪಿಸಿಕೊಳ್ಳುವ ಸರ್ಕಾರದ ಪ್ರಯತ್ನವನ್ನು ಸುಪ್ರೀಂ ಕೋರ್ಟ್ ತಿರಸ್ಕರಿಸಿತು. ಪೆಗಾಸಸ್ ಅನ್ನು ಯಾವ ಪ್ರಮಾಣದಲ್ಲಿ ಬಳಸಲಾಗಿದೆ ಮತ್ತು ಯಾರ ಅಧಿಕಾರದ ಮೇಲೆ ನಿಯೋಜಿಸಲಾಗಿದೆ ಎಂಬುದನ್ನು ತನಿಖೆ ಮಾಡಲು ಮಾಜಿ ನ್ಯಾಯಾಧೀಶರ ಉಸ್ತುವಾರಿಯಲ್ಲಿ ತಾಂತ್ರಿಕ ಸಮಿತಿಯ ಸ್ಥಾಪನೆ, ಒ೦ದು ಒಳ್ಳೆಯ ಬೆಳವಣಿಗೆ. ಇದು ನನ್ನ ಭಾಷಣದ ಆರಂಭದಲ್ಲಿ ನಾನು ಪ್ರಸ್ತಾಪಿಸಿದ ಬೆಳಕಿನ ಮಿನುಗುಗಳಲ್ಲಿ ಒಂದಾಗಿದೆ. ಸರ್ಕಾರವು ನಿಸ್ಸಂದೇಹವಾಗಿ ಸಮಿತಿಗೆ ಅಡಚಣೆ ಹಾಕುತ್ತದೆ ಮತ್ತು ನಂತರ ಚೆಂಡು ಭಾರತದ ಮುಖ್ಯ ನ್ಯಾಯಮೂರ್ತಿಯ ಅಂಗಳಕ್ಕೆ ಮರಳುತ್ತದೆ. ಆ ಸಮಯದಲ್ಲಿ, ಅವರು ಒಂದೇ, ಸಂವಿಧಾನವು ಅವರಿಗೆ ಅಧಿಕಾರ ನೀಡುವಂತೆ ಕ್ರಮವನ್ನು ತೆಗೆದುಕೊಳ್ಳಬೇಕು -- ಅಥವಾ, ಹತಾಶೆಯಿಂದ ಬಿಟ್ಟುಬಿಡಬೇಕು. ಸರ್ಕಾರಕ್ಕಾಗಿ, ಚುನಾವಣೆಗಳ ಸಮಗ್ರತೆಗಾಗಿ, ನಾಗರಿಕರ ಗೌಪ್ಯತೆಯ ಹಕ್ಕಿಗಾಗಿ, ಮತ್ತು, ಸಹಜವಾಗಿ, ಪತ್ರಿಕಾ ಸ್ವಾತಂತ್ರ್ಯಕ್ಕಾಗಿ ಇದರಲ್ಲಿ ಬಹಳ ಹೆಚ್ಚಿನ ಪರಿಣಾಮಗಳು ಅಡಗಿವೆ.
ಮಾಧ್ಯಮದ ಕಡೆಗೆ ಆರು ವರ್ಷಗಳ ನಿರಂತರ ಹಗೆತನದ ನ೦ತರ ಬ೦ದಿದೆ ಪೆಗಸಸ್ ಘಟನೆ. ಈ ಅವಧಿಯಲ್ಲಿ ಪ್ರಧಾನ ಮಂತ್ರಿ ಮತ್ತು ಅವರ ಕಛೇರಿಯು ಪತ್ರಿಕಾ ಪ್ರಶ್ನೆಗಳಿಗೆ ರಚನಾತ್ಮಕ ಮತ್ತು ಪಾರದರ್ಶಕ ರೀತಿಯಲ್ಲಿ ಪ್ರತಿಕ್ರಿಯಿಸಲು ನಿರಾಕರಿಸಿದೆ - ಇದು ಅವರ ಪೂರ್ವಜರು ಅನುಸರಿಸಿದ ಅಭ್ಯಾಸದಿಂದ ಗಮನಾರ್ಹವಾದ ನಿರ್ಗಮನ. ಶ್ರೀ ಮೋದಿ ಮತ್ತು ಇತರ ಸರ್ಕಾರದ ಮಂತ್ರಿಗಳು ಸ್ವತಂತ್ರವಾಗಿರುವ ಮತ್ತು ಮುಂದಿನ ಪ್ರಶ್ನೆಗಳನ್ನು ಕೇಳಲು ಬಯಸುವ ಯಾವುದೇ ಪತ್ರಕರ್ತ ಅಥವಾ ವೇದಿಕೆಯಿಂದ ಸಂದರ್ಶನ ಮಾಡಲು ಸಮ್ಮತಿಸುವುದಿಲ್ಲ. ಮಂತ್ರಿಗಳು ಪತ್ರಕರ್ತರ ವಿರುದ್ಧ 'ಪ್ರೆಸ್ಟಿಟ್ಯೂಟ್' ಎಂಬ ಪದದಂತಹ ಆಕ್ರಮಣವನ್ನು ವಾಡಿಕೆಯಂತೆ ಬಳಸುತ್ತಾರೆ. ಬಿಜೆಪಿ ಬೆಂಬಲಿಗರು, ಹೆಚ್ಚಿನ ಸಂದರ್ಭಗಳಲ್ಲಿ ಪಕ್ಷದ ಐಟಿ ಸೆಲ್ (ಮಾಹಿತಿ ತಂತ್ರಜ್ಞಾನ ಕೋಶ) ನಿಂದ ನಡೆಸಲ್ಪಡುತ್ತಾ ಪತ್ರಕರ್ತರನ್ನು ‘ಟ್ರೋಲ್’ (ಅವರ ವಿರುಧ್ಧ ಕೆಣಕಿಸುವ ಸ೦ದೇಶಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಒಳಸೇರಿಸುತ್ತಾ ಇರುವದು) ಮಾಡುತ್ತಾರೆ ಮತ್ತು ನಿಂದನೆಗೆ ಒಳಪಡಿಸುತ್ತಾರೆ. ಈ ವರ್ಷದ ಆರಂಭದಲ್ಲಿ, ನಾವು ಬಿಜೆಪಿಯು TefFog ಎಂಬ ಪ್ರಬಲವಾದ ಗುಪ್ತ ಅಪ್ಲಿಕೇಶನ್ ಅನ್ನು ಬಳಸುತ್ತದೆ ಎಂದು ವರದಿ ಮಾಡಿದೆವು. ಈ ಗುಪ್ತ ಕಾರ್ಯಕ್ರಮವು ಸಾಮಾಜಿಕ ಮಾಧ್ಯಮದ ಪ್ರವೃತ್ತಿಗಳನ್ನು ನಿರ್ವಹಿಸಿ ನಿಷ್ಕ್ರಿಯ ವಾಟ್ಸಪ್ (WhatsApp) ಖಾತೆಗಳನ್ನು ನಿಯಮಬಾಹಿರವಾಗಿ ಪ್ರವೇಶ ಮಾಡಲು ಮತ್ತು ಸರ್ಕಾರವನ್ನು ವಿಮರ್ಶಿಸುವವರನ್ನು ದೊಡ್ಡ ಪ್ರಮಾಣದಲ್ಲಿ ಕೆಣಕಿಸಲು (ಟ್ರೋಲ್ ಮಾಡಲು) ಸಮರ್ಥವಾಗಿದೆ - ಇದು ಹಣ ಪಾವತಿಸಿದ ಕಾರ್ಯಕರ್ತರಿಗೆ ಅವರು ವಿಶೇಷವಾಗಿ ನಿಂದಿಸಲು ಉದ್ದೇಶಿಸುವ ಮಹಿಳಾ ವರದಿಗಾರರ ದೈಹಿಕ ಲಕ್ಷಣಗಳನ್ನು ಎತ್ತಿ ತೋರಿಸಲು ಅನುಕೂಲ ಮಾಡುತ್ತದೆ.
ಈಗ, ಮಾಧ್ಯಮಗಳು ಇವೆಲ್ಲವುಗಳನ್ನು, ನಾವು ಅನೇಕ ವರ್ಷಗಳಿಂದ ಕ್ಷುಲ್ಲಕ ಮಾನನಷ್ಟ ಪ್ರಕರಣಗಳನ್ನು ಎದುರಿಸಿದ೦ತೆ , ಸಹಿಸಿ ಜೀವಿಸುವದು ಸಾಧ್ಯವಾಗಿರಬಹುದು. ಆದರೆ ಬಿಜೆಪಿ ಮತ್ತು ಅದರ ಸರ್ಕಾರಗಳು ತಮ್ಮ ಆಕ್ರಮಣವನ್ನು ಹೆಚ್ಚಿಸಿವೆ. ನ್ಯೂಸ್ಕ್ಲಿಕ್, ದೈನಿಕ್ ಭಾಸ್ಕರ್, ದಿ ಕ್ವಿಂಟ್ ಮತ್ತು ಎನ್ಡಿಟಿವಿಯಂತಹ ಮಾಧ್ಯಮ ಸಂಸ್ಥೆಗಳ ವಿರುದ್ಧ ಹಣಕಾಸಿನ ಅವ್ಯವಹಾರದ ಆರೋಪವು ೨೦೦೨ ರಲ್ಲಿ ತೆಹೆಲ್ಕ ಪತ್ರಿಕೆಗೆ ಆದ೦ತೆ, ಒ೦ದು ಅಸ್ತ್ರವಾಗಿ ಹೊರಹೊಮ್ಮಿದೆ. ಆದರೆ ಈಗ ಗೊಂದಲದ ಹೊಸ ಪ್ರವೃತ್ತಿ ಇದೆ: ಉತ್ತರ ಪ್ರದೇಶ ಮತ್ತು ಜಮ್ಮು ಮತ್ತು ಕಾಶ್ಮೀರದ ಕೇಂದ್ರಾಡಳಿತ ಪ್ರದೇಶಗಳಂತಹ ರಾಜ್ಯಗಳಲ್ಲಿ ಪತ್ರಕರ್ತರು ವರದಿ ಮಾಡಿದ ಅಥವಾ ಮಾಡಲು ಪ್ರಯತ್ನಿಸಿದ ಕಥೆಗಳಿಗಾಗಿ ಗಂಭೀರ ಕ್ರಿಮಿನಲ್ ಮೊಕದ್ದಮೆಗಳನ್ನು ದಾಖಲಿಸುವುದು ವಾಡಿಕೆಯಾಗಿದೆ. ಸಿದ್ದಿಕ್ ಕಪ್ಪನ್ ಅವರು ಹತ್ರಾಸ್ ಪಟ್ಟಣದಲ್ಲಿ ದಲಿತ ಮಹಿಳೆಯ ಅತ್ಯಾಚಾರ ಮತ್ತು ಹತ್ಯೆಯ ಕುರಿತು ವರದಿ ಮಾಡಲು ಪ್ರಯತ್ನಿಸಿದ್ದಕ್ಕಾಗಿ ‘ಭಯೋತ್ಪಾದಕ’ ಎಂದು ಆರೋಪಿಸಲ್ಪಟ್ಟು ಉತ್ತರ್ ಪ್ರದೇಶದ ಜೈಲಿನಲ್ಲಿ ಒಂದು ವರ್ಷಕ್ಕೂ ಹೆಚ್ಚು ಕಾಲ ಕಳೆದಿದ್ದಾರೆ. ಕಾಶ್ಮೀರದಲ್ಲಿ, ಫಹಾದ್ ಶಾ ಮತ್ತು ಸಜಾದ್ ಗುಲ್ ವಿರುದ್ಧ ಕಾನೂನುಬಾಹಿರ ಚಟುವಟಿಕೆಗಳ (ತಡೆಗಟ್ಟುವಿಕೆ) ಕಾಯಿದೆ (ಯು ಎ ಪಿ ಎ) ಮತ್ತು ಸಾರ್ವಜನಿಕ ಸುರಕ್ಷತಾ ಕಾಯ್ದೆಯಡಿ ಪ್ರಕರಣ ದಾಖಲಿಸಲಾಗಿದೆ. ಯುಎಪಿಎ ಆರೋಪದ ಮೇಲೆ ನಾಲ್ಕು ವರ್ಷಗಳಿಗೂ ಹೆಚ್ಚು ಕಾಲ ಜೈಲಿನಲ್ಲಿ ಕಳೆದಿರುವ ಆಸಿಫ್ ಸುಲ್ತಾನ್, ರಾಜ್ಯಕ್ಕೆ ತಾನು ಎಂದಿಗೂ ರುಜುವಾತುಪಡಿಸಲು ಸಾಧ್ಯವಿಲ್ಲ ಎಂದು ತಿಳಿದಿದೆ ಎಂದು ನ್ಯಾಯಾಲಯವು ಅಂತಿಮವಾಗಿ ಅವರಿಗೆ ಜಾಮೀನು ನೀಡಿದಾಗ ಪಿಎಸ್ಎ (PUBLIC SAFETY ACT, 1978) -ಅಡಿಯಲ್ಲಿ ಈ ವಾರ ಪುನಃ ಬಂಧಿಸಲಾಯಿತು. ಮಣಿಪುರದಲ್ಲಿ, ಟಿವಿ ಪತ್ರಕರ್ತ ಕಿಶೋರಚಂದ್ರ ವಾಂಗ್ಖೇಮ್ ಫೇಸ್ಬುಕ್ ಪೋಸ್ಟ್ಗಳಿಗಾಗಿ - ಅದರಲ್ಲಿ ಗೋಮೂತ್ರ ಮತ್ತು ಗೋಮಯವು ಕೋವಿಡ್ -19 ನಿಂದ ಯಾರನ್ನಾದರೂ ಹೇಗೆ ರಕ್ಷಿಸುತ್ತದೆ ಎಂದು ಪ್ರಶ್ಸಿಸಿದ್ದರು - ಎರಡು ಸುದೀರ್ಘ ಅವಧಿಗಳನ್ನು ಜೈಲಿನಲ್ಲಿ ಕಳೆದರು. ಅಂಡಮಾನ್ ಮೂಲದ ಪತ್ರಕರ್ತ ಜುಬೇರ್ ಅಹ್ಮದ್ ಅವರು ಕೊರೊನಾ ವೈರಸ್ ರೋಗಿಯೊಂದಿಗೆ ದೂರವಾಣಿಯಮೇಲೆ ಮಾತನಾಡಿದ್ದಕ್ಕಾಗಿ ಕುಟುಂಬವನ್ನು ಏಕೆ ಕ್ವಾರಂಟೈನ್ ಮಾಡಿದ್ದೀರಿ ಎಂದು ಪೊಲೀಸರನ್ನು ಪ್ರಶ್ನಿಸಿದ ಟ್ವೀಟ್ಗಾಗಿ ಅವರ ವಿರುಧ್ಧ ಆರೋಪಿಸಲಾಗಿದ್ದಗಂಭೀರ ಅಪರಾಧಗಳನ್ನು ರದ್ದುಗೊಳಿಸಲು ಉಚ್ಚ ನ್ಯಾಯಾಲಯದ ಮೆಟ್ಟಿಲೇರಿ ೧೭ ತಿ೦ಗಳುಗಳು ಬೇಕಾದವು.
ಅನಾರೋಗ್ಯಕರ ಉದ್ದದಲ್ಲಿ ಈ ಬಗ್ಗೆ ಹೇಳುತ್ತಾ ಹೋಗಬಹುದು. ಮತ್ತು ಇದು ಒಳನಾಡಿನ ಕುಗ್ರಾಮ ಪ್ರದೇಶಗಳ ಸಮಸ್ಯೆ ಎಂದು ಭಾವಿಸದಿರಲು, ಪ್ರತಿಭಟನೆಯ ಸಂದರ್ಭದಲ್ಲಿ ಜನವರಿ 2021 ರಲ್ಲಿ ರೈತರೊಬ್ಬರು ಗು೦ಡಿನೇಟುಗೊ೦ಡು ಸಾವನ್ನಪ್ಪಿದರು ಎಂದು ವರದಿ ಮಾಡಿದ್ದಕ್ಕಾಗಿ ಹಿರಿಯ ಸಂಪಾದಕರಾದ ಮೃಣಾಲ್ ಪಾಂಡೆ ಮತ್ತು ರಾಜ್ದೀಪ್ ಸರ್ದೇಸಾಯಿ ವಿರುದ್ಧ, ಕಡಿಮೆಯಲ್ಲ, “ದೇಶದ್ರೋಹ”ದ ಪ್ರಕರಣವನ್ನು ದಾಖಲಿಸಿದವರು ರಾಷ್ಟ್ರದ ರಾಜಧಾನಿ ನವದೆಹಲಿಯ ಪೊಲೀಸರು ಎಂಬುದನ್ನು ನೆನಪಿಡಿ.
ಮಾಧ್ಯಮವನ್ನು ಗುರಿಯಾಗಿಸಲು ಮತ್ತೊಂದು ಹೊಸ ತಂತ್ರ: ಟಿವಿ ಚಾನೆಲ್ಗಳ ಪ್ರಸಾರ ಪರವಾನಗಿಯನ್ನು ಅನಿರ್ದಿಷ್ಟ 'ರಾಷ್ಟ್ರೀಯ ಭದ್ರತೆ' ಕಾಳಜಿಯನ್ನು ಉಲ್ಲೇಖಿಸಿ ಮಲಯಾಳಂ ಸುದ್ದಿ ವಾಹಿನಿ ಮೀಡಿಯಾ ಒನ್ನೊಂದಿಗೆ ಮಾಡಿದಂತೆ ರದ್ದುಗೊಳಿಸುವದು.
ಪತ್ರಿಕೋದ್ಯಮದ ಈ ಅಪರಾಧೀಕರಣದ ಹೊರೆ ಹೆಚ್ಚಾಗಿ ಸ್ವತಂತ್ರ ವರದಿಗಾರರು ಅಥವಾ ಸಣ್ಣ ಮಳಿಗೆಗಳಲ್ಲಿ ಕೆಲಸ ಮಾಡುವ ಪತ್ರಕರ್ತರ ಮೇಲೆ ಬೀಳುತ್ತಿದೆಯಾದರೂ, ದೊಡ್ಡ ಮಾಧ್ಯಮ ಸಂಸ್ಥೆಗಳು ತಮ್ಮಸ್ವ೦ತ ಹಿತಾಸಕ್ತಿಯನ್ನು ಕಾಪಾಡಿಕೊಳ್ಳಲು ಆಯ್ಕೆ ಮಾಡಿಕೊಂಡಿವೆ. ಈ ಮಾಲೀಕರು ಅಪಾಯದಿಂದ ದೂರವಿರುವ ಮನೋಭಾವ ಹೊ೦ದಿರುತ್ತಾರೆ ಅಥವಾ ಸರ್ಕಾರದ ಸದ್ಭಾವನೆಯನ್ನು ಅವಲಂಬಿಸಿರುವ ವ್ಯವಹಾರ ಮಾದರಿಗಳನ್ನು ನಡೆಸುತ್ತಾರೆ. ರಿಪಬ್ಲಿಕ್ ಟಿವಿ, ಜೀ ನ್ಯೂಸ್, ಇಂಡಿಯಾ ಟಿವಿ ಮತ್ತು ಸುದರ್ಶನ್ ಟಿವಿಯ ಮಾಲೀಕರಂತೆ ಕೆಲವರು ಬಿಜೆಪಿಯ ಉದ್ದೇಶಕ್ಕೆ ಸೈದ್ಧಾಂತಿಕವಾಗಿ ಬದ್ಧರಾಗಿದ್ದಾರೆ ಮತ್ತು ಆಡಳಿತ ಸ್ಥಾಪನೆಯಿಂದ ಸಾಕಷ್ಟು ಜಾಹೀರಾತು ಬೆಂಬಲವನ್ನು ಪಡೆಯುತ್ತಾರೆ. ಯಾವುದೇ ಆಕ್ಷೇಪಾರ್ಹ, ಕೋಮು ಕೆರಳಿಸುವ ವಿಷಯವಾದರೂ - ಇವು ಪ್ರಸಾರ ನಿಯಮಗಳ ಉಲ್ಲಂಘನೆ - ಅವರ ಪರವಾನಗಿಗಳನ್ನು ಹಿಂಪಡೆಯಲು ಸರ್ಕಾರಕ್ಕೆ ಮನವರಿಕೆ ಆಗುವುದಿಲ್ಲ. ಇಂಗ್ಲಿಷ್ ಪತ್ರಿಕೆಗಳು ತಮ್ಮ ಸ್ವಂತ ಸ್ವಾತಂತ್ರ್ಯವನ್ನು ಕಾಪಾಡಿಕೊಳ್ಳಲು ಒಲವು ತೋರುತ್ತವೆಯಾದರೂ ವಿಪರೀತ ಹೊಗಳುತನ ಅ೦ಕಣಗಳು ಮತ್ತು ಪ್ರಧಾನ ಲೇಖನಗಳ ರೂಪದಲ್ಲಿ ಸರ್ಕಾರದ ದೃಷ್ಟಿಕೋನಗಳು ಹಿಂದೆಂದಿಗಿಂತಲೂ ಇಂದು ಹೆಚ್ಚು ಸಾಮಾನ್ಯವಾಗಿ ಪ್ರಕಟಿಸಲಾಗುತ್ತಿವೆ.
ಡಿಜಿಟಲ್ ಸುದ್ದಿ ಮಾಧ್ಯಮವನ್ನು ನಿರ್ವಹಿಸುವಲ್ಲಿ ಸರ್ಕಾರದ ಸಂವಹನ ನೀತಿಗಳ ಸಚಿವರ ಗುಂಪಿನ ವರದಿಯಲ್ಲಿ ಬಹಿರಂಗವಾಗಿ ಒಪ್ಪಿಕೊ೦ಡ೦ತೆ, ಮೋದಿ ಸರ್ಕಾರವು ಕನಿಷ್ಠ ಯಶಸ್ವಿಯಾಗಿದೆ . ಡಿಜಿಟಲ್ ಮಾಧ್ಯಮವನ್ನು ಅಧೀನಗೊಳಿಸಲು ಅದರ ಅಸಮರ್ಥತೆಗೆ ಪ್ರತಿಕ್ರಿಯೆಯಾಗಿ, ಸರ್ಕಾರವು ಎರಡು ಕ್ರಮಗಳನ್ನು ತೆಗೆದುಕೊಂಡಿದೆ. ಮೊದಲನೆಯದಾಗಿ, ಡಿಜಿಟಲ್ ಸುದ್ದಿಗಳಲ್ಲಿ ವಿದೇಶಿ ಹೂಡಿಕೆಯ ಮೇಲೆ 26% ರಷ್ಟು ಮಿತಿಯನ್ನು ಜಾರಿಗೆ ತ೦ದಿದೆ. ಈ ಮೊದಲು ಯಾವುದೇ ಮಿತಿ ಇರಲಿಲ್ಲ. ಅಲ್ಲದೆ ಅನುಮೋದನೆಯನ್ನು ಸರ್ಕಾರದ ಅನುಮತಿಗೆ ಒಳಪಡಿಸಿದೆ. ಎರಡನೆಯದಾಗಿ, ಹೊಸ ಮಾರ್ಗಸೂಚಿಗಳನ್ನು - ಇದನ್ನು ಮಾಹಿತಿ ತಂತ್ರಜ್ಞಾನ ನಿಯಮಗಳು, 2021 (Information Technology Rules, 2021) ಎಂದು ಕರೆಯಲಾಗುತ್ತದೆ - ಜಾರಿಗೆ ತ೦ದಿದೆ. ಇದು ಅಧಿಕಾರಶಾಹಿಗಳ ಅಂತರ-ಸಚಿವಾಲಯ ಸಮಿತಿಯು ಸೂಕ್ತವಲ್ಲದ ವಿಷಯವನ್ನು ತೆಗೆದುಹಾಕಲು ಆದೇಶಿಸುವ ಹಕ್ಕನ್ನು ಸರ್ಕಾರಕ್ಕೆ ನೀಡುತ್ತದೆ. ವೈರ್ ಮತ್ತು ಇತರ ಸುದ್ದಿ ಪ್ಲಾಟ್ಫಾರ್ಮ್ಗಳು ಈ ನಿಯಮಗಳಿಗೆ ಸವಾಲು ಹಾಕಿವೆ ಮತ್ತು ಅದರ ಅತ್ಯಂತ ಅಸಹ್ಯಕರ ಕಲಮುಗಳ ಕಾರ್ಯಾಚರಣೆಯ ಮೇಲೆ ಈಗ ತಡೆ ಇದೆ. ಆದರೆ ಅ೦ತಿಮ ತೀರ್ಮಾನದ ವರೆಗೆ ಅಪಾಯವು ಮುಂದುವರಿಯುತ್ತಲೇ ಇದೆ.
ಪತ್ರಕರ್ತನಾಗಿ, ಪ್ರಸ್ತುತ ಪ್ರವೃತ್ತಿಯನ್ನು ಗಮನಿಸಿದರೆ ಮಾಧ್ಯಮ ಸ್ವಾತಂತ್ರ್ಯದ ಭವಿಷ್ಯದ ಬಗ್ಗೆ ನಾನು ಸಹಜವಾಗಿಯೇ ಚಿಂತಿಸುತ್ತಿದ್ದೇನೆ. ಈ ಹಿಂದೆ ಪತ್ರಿಕಾ ಪ್ರಪ೦ಚದ ಮುಕ್ತತೆಗಾಗಿ ಕ್ರಮ ಕೈಗೊ೦ಡ ನ್ಯಾಯಾಂಗವು ಅದೇ ಸ್ವಾತಂತ್ರ್ಯದ ಮಿತ್ರನಾಗಿ ಮುಂದುವರಿಯಲಿ ಎಂಬುದು ನಮ್ಮ ಆಶಯ.
ಭಾರತದಲ್ಲಿ ಹೆಚ್ಚುತ್ತಿರುವ ಸಾರ್ವಜನಿಕ ಭಾಷಣದ ಒರಟುತನ ಮತ್ತುಕೋಮುವಾದ ಮತ್ತು ವಿಶೇಷವಾಗಿ ಮುಸ್ಲಿಮರ ವಿರುದ್ಧ ಧಾರ್ಮಿಕ ಮತಾಂಧತೆಯನ್ನು ಸಕ್ರಿಯವಾಗಿ ಉತ್ತೇಜಿಸುವವರಿಗೆ, ಸ್ಪಷ್ಟವಾದ ರೀತಿಯಲ್ಲಿ ಮತ್ತು ನಿಸ್ಸಂದಿಗ್ಧವಾದ ಸಂದೇಶವನ್ನು ಕಳುಹಿಸುವ೦ತೆ ನ್ಯಾಯಾಲಯಗಳು ಕಾರ್ಯನಿರ್ವಹಿಸಲು ವಿಫಲವಾದ ಬಗ್ಗೆ ನನಗೆ ವಿಷಾದವಿದೆ.
4. 'ಐತಿಹಾಸಿಕ ತಪ್ಪುಗಳನ್ನು ಸರಿಪಡಿಸುವುದು':ಭಾರತೀಯ ಮುಸ್ಲಿಮರನ್ನು ಗುರಿಯಾಗಿಸುವುದು
1936 ರಲ್ಲಿ ಜರ್ಮನಿಗೆ ಭೇಟಿ ನೀಡಿದ ಸ್ವಲ್ಪ ಸಮಯದ ನಂತರ,, ಅಮೆರಿಕದ ಮಹಾನ್ ಸಾರ್ವಜನಿಕ ಬುದ್ಧಿಜೀವಿ WEB ಡು ಬೋಯಿಸ್ ನಾಝಿ ಆಡಳಿತದಿಂದ ಯಹೂದಿಗಳ ಕಿರುಕುಳದ ಬಗ್ಗೆ ಗಮನಾರ್ಹವಾದ ಅವಲೋಕನವನ್ನು ಮಾಡಿದರು. ತನ್ನ ಸ್ವಂತ ದೇಶದಲ್ಲಿ ಆಫ್ರಿಕನ್-ಅಮೆರಿಕನ್ನರು ಒಳಪಡುವ ವರ್ಣಭೇದ ನೀತಿಯನ್ನು ನೋಡಿದ ಮತ್ತು ಅದರ ಬಗ್ಗೆ ಬರೆದಿರುವ ಡು ಬೋಯಿಸ್ ಅವರು ನಾಝಿ ವರ್ತನೆಯ ಪ್ರಮುಖ ವ್ಯತ್ಯಾಸವೆಂದು ನಂಬಿದ್ದನ್ನು ಸ್ಪಷ್ಟವಾಗಿ ನಮೂದಿಸಿದರು: ಯುಎಸ್ನಲ್ಲಿನ ಕರಿಯರ ದುರವಸ್ಥೆಯನ್ನು ನಾಜಿ ಜರ್ಮನಿಯಲ್ಲಿನ ಯಹೂದಿಗಳ ದುಸ್ಥಿತಿಯೊಂದಿಗೆ ಹೋಲಿಸಲು ಅಸಾಧ್ಯವಾಗಿತ್ತು ಏಕೆಂದರೆ 'ಜರ್ಮನಿಯಲ್ಲಿ ಏನು ನಡೆಯುತ್ತಿದೆಯೋ ಅದು ಕ್ರೂರ ಮತ್ತು ಅನ್ಯಾಯವಾಗಿದ್ದರೂ ಸಹ ಕಾನೂನುಬದ್ಧವಾದ ರೀತಿಯಲ್ಲಿ ಮತ್ತು ಬಹಿರಂಗವಾಗಿ ನಡೆಯುತ್ತಿದೆ. ಆದರೆ ಅಮೆರಿಕ ದೇಶದಲ್ಲಿ, ನೀಗ್ರೋಗಳು ರಹಸ್ಯವಾಗಿ ಮತ್ತು ಕಾನೂನುಗಳ ಉಲ್ಲಂಘನೆಯಲ್ಲಿ ಕಿರುಕುಳ ಮತ್ತು ದಮನಕ್ಕೊಳಗಾಗುತ್ತಾರೆ’.
ಡು ಬೋಯಿಸ್ ದಬ್ಬಾಳಿಕೆಯ ಒಂದು ವಿಧಾನವನ್ನು ಹಗುರಗೊಳಿಸಲಿಲ್ಲ, ಬದಲಿಗೆ ಜರ್ಮನಿಯಲ್ಲಿ ಸಂಭವಿಸಿದಂತೆ - ಕಿರುಕುಳ ಮತ್ತು ವಿಶೇಷವಾಗಿ ಹಿಂಸೆ ಕಾನೂನಿನ ಮಟ್ಟಕ್ಕೆ ಉನ್ನತೀಕರಿಸಲಾಗಿದೆ, ಇದು ಒ೦ದು ಮಹತ್ವದ ಬಿ೦ದು, ಇದನ್ನು ನಿರ್ಲಕ್ಷಿಸಬಾರದು ಎಂದು ಗುರುತಿಸಿದರು. ತಾರತಮ್ಯ ಮತ್ತು ಪ್ರತ್ಯೇಕತೆಯು ಅಮೆರಿಕದ ಕರಿಯರಿಗೆ ಜೀವನದ ಒಂದು ಭಾಗವಾಗಿತ್ತು - ಮತ್ತು ಡು ಬೋಯಿಸ್ ಕರಿಯರ ವಿರುಧ್ಧ ಕಾನೂನುಗಳ ಬಗ್ಗೆ ಎಲ್ಲವನ್ನೂ ತಿಳಿದಿದ್ದರು. ಆದರೆ ಅವರು ನಾಜಿಗಳು ಮುನ್ನಡೆಸುತ್ತಿರುವ ನರಮೇಧದ, ನಿರ್ಮೂಲನವಾದಿ ದಿಕ್ಕನ್ನು ಸ್ಪಷ್ಟವಾಗಿ ನೋಡಿದ್ದರು.
ಡು ಬೋಯಿಸ್ ಅವರ ಕಾಮೆಂಟ್ನಿಂದ ನಾನು ಆಘಾತಕ್ಕೊಳಗಾಗಿದ್ದೇನೆ ಏಕೆಂದರೆ ಇಂದು ಭಾರತದಲ್ಲಿ ಧಾರ್ಮಿಕ ಅಲ್ಪಸಂಖ್ಯಾತರ, ಅದರಲ್ಲೂ ವಿಶೇಷವಾಗಿ ಮುಸ್ಲಿಮರ ದುಸ್ಥಿತಿಯ ನನ್ನ ಸ್ವಂತ ಮೌಲ್ಯಮಾಪನದಲ್ಲಿ"ಕಾನೂನುಗಳ ಸ್ಪಷ್ಟ ಉಲ್ಲಂಘನೆಯಲ್ಲಿ ರಹಸ್ಯವಾಗಿ ದಮನಕ್ಕೊಳಗಾಗುವ" ಸ್ಥಿತಿಯಿ೦ದ ಬದಲಾಗಿ "ಕಾನೂನುಬದ್ಧ ರೀತಿಯಲ್ಲಿ ಮತ್ತು ಬಹಿರಂಗವಾಗಿ ನಡೆಯುತ್ತಿರುವ" ಕ್ರೂರ ಮತ್ತು ಅನ್ಯಾಯವಾದ ಗುರಿ ಮಾಡುವಿಕೆ ಮತ್ತು ಕಿರುಕುಳವು ನಮ್ಮ ಕಣ್ಣುಗಳ ಮುಂದೆ ಸಂಭವಿಸುತ್ತಿದೆ.
ಗುಜರಾತ್: ದಿ ಮೇಕಿಂಗ್ ಆಫ್ ಎ ಟ್ರ್ಯಾಜೆಡಿ ಎಂಬ 2002 ರಲ್ಲಿ ನರೇಂದ್ರ ಮೋದಿ ಅವರು ರಾಜ್ಯದ ಮುಖ್ಯಮಂತ್ರಿಯಾಗಿ ಗುಜರಾತ್ನಲ್ಲಿ ಆಡಳಿತ ನಡೆಸುತ್ತಿದ್ದಾಗ ಸ೦ಭವಿಸಿದ ಮುಸ್ಲಿಂ ವಿರೋಧಿ ಹಿಂಸಾಚಾರದ ಕುರಿತ ಪುಸ್ತಕವನ್ನು ನಾನು ಸಂಪಾದಿಸಿದ್ದೇನೆ. ವಿಶಾಲ ಪ್ರದೇಶದಲ್ಲಿ ಹೆಚ್ಚಿನ ತೀವ್ರತೆಯೊಂದಿಗೆ ಮತ್ತು ಕೆಲವು ದಿನಗಳ ಕಾಲ ನಡೆದ ಅಪರಾಧದ ಶಾಶ್ವತ ಸಾರ್ವಜನಿಕ ಐತಿಹಾಸಿಕ ದಾಖಲಾತಿಯಾಗಿ ಈ ಪುಸ್ತಕವನ್ನು ಕಲ್ಪಿಸಲಾಗಿದೆ. ಅದೇ ರೀತಿ 1984 ರಲ್ಲಿ ಕಾಂಗ್ರೆಸ್ ಪಕ್ಷವು ಅಧಿಕಾರದಲ್ಲಿದ್ದಾಗ ನಡೆದ ಸಿಖ್ಖರ ಹತ್ಯಾಕಾಂಡವನ್ನು ಸಹ ಅದೇ ಪ್ರಮಾಣದ ವಿವರಗಳಲ್ಲಿಲ್ಲದಿದ್ದರೂ ಸವಿಸ್ತಾರವಾಗಿ ದಾಖಲಿಸಲಾಗಿದೆ. ಈ ಎರಡೂ ಘಟನೆಗಳು ಪಾಲ್ ಬ್ರಾಸ್ ಅವರು 'ಸಾಂಸ್ಥಿಕ ಗಲಭೆ ವ್ಯವಸ್ಥೆ' ಎಂದು ಕರೆದಿರುವ ಉನ್ನತ- ಚಿಹ್ನೆಯನ್ನು ಪ್ರತಿನಿಧಿಸುತ್ತವೆ. ಅಧಿಕಾರದಲ್ಲಿರುವ ಪಕ್ಷವು ಇಚ್ಚಿಸಿದ೦ತೆ ಹತ್ಯೆಗಳು ಸಂಭವಿಸಿದವು: ಸಮಾಜವನ್ನು ಧ್ರುವೀಕರಣಗೊಳಿಸುವುದು, ಹಿಂದೂಗಳನ್ನು ಸಜ್ಜುಗೊಳಿಸುವುದು ಮತ್ತು ಉದ್ದೇಶಿತ ಅಲ್ಪಸಂಖ್ಯಾತರ ಹೃದಯದಲ್ಲಿ ಶಾಶ್ವತ ಭಯವನ್ನು ಉಂಟುಮಾಡುವುದು ಗುರಿಯಾಗಿತ್ತು. ಪೊಲೀಸರು ಹಲವಾರು ಲೋಪಗಳು ಮತ್ತು ಅನೇಕ ಕ್ರಿಯೆಗಳ ಮೂಲಕ ಸಿದ್ಧ ಸಹಚರರಾಗಿ ಕಾರ್ಯನಿರ್ವಹಿಸಿದರು. ಮುಖ್ಯ ಅಪರಾಧಿಗಳೆಲ್ಲರೂ ಶಿಕ್ಷೆಯಿಂದ ಪಾರಾಗಿದ್ದರು, ಮತ್ತು ಪ್ರಮುಖ ಪ್ರಚೋದಕರು, ವಿಶೇಷವಾಗಿ ಉನ್ನತ ರಾಜಕೀಯ ನಾಯಕರು ನೆರಳಿನಲ್ಲಿ ಉಳಿಯಲು ಜಾಗರೂಕರಾಗಿದ್ದರು. ಆದರೂ ಗುಜರಾತ್ನ ಮುಸ್ಲಿಮರು ಮತ್ತು ದೆಹಲಿಯ ಸಿಖ್ಖರ ವಿರುದ್ಧ ಹಿಂಸಾಚಾರವು ಕಾನೂನಿನ ಉಲ್ಲಂಘನೆಯಾಗಿ ಉಳಿದಿದೆ.
ಇಂದು, 'ದಂಗೆ'ಯ ಹಿಂದಿನ ಪ್ರಾಥಮಿಕ ಪ್ರಚೋದನೆಯು ಮೊದಲಿನ೦ತೆಯೇ ಉಳಿದಿದೆ ಆದರೆ 'ವ್ಯವಸ್ಥೆ' ತಂತ್ರಜ್ಞಾನದ ಬದಲಾವಣೆಗೆ ಒಳಗಾಗಿದೆ. ಭೌಗೋಳಿಕವಾಗಿ ಸೀಮಿತ ಪ್ರದೇಶದಲ್ಲಿ ದೊಡ್ಡ ಪ್ರಮಾಣದ ಹಿಂಸಾಚಾರದ ತೀವ್ರವಾದ ಹೋರಾಟದ ಬದಲಿಗೆ, ಆದ್ಯತೆಯ ವಿಧಾನವೆಂದರೆ ಸಾವಿರ ಕಡಿತಗಳೊಂದಿಗೆ ಭಯಭೀತಗೊಳಿಸುವುದು. ಕ್ಷೇತ್ರವನ್ನು ವಿಶಾಲವಾಗಿ ಬಿತ್ತರಿಸಲಾಗಿದೆ, ಹೆಚ್ಚು ವಿಸ್ತಾರವಾಗಿ ಕಾರ್ಯಾಚರಣೆಯನ್ನು ನಿರಂತರವಾಗಿ ನಡೆಸಲಾಗುತ್ತದೆ. ಎಲ್ಲಕ್ಕಿಂತ ಮುಖ್ಯವಾಗಿ, ಈಗ ಬಿಜೆಪಿಯ ತಂತ್ರವೆಂದರೆ ಮುಸ್ಲಿಮರನ್ನು ಕಾನೂನುಬದ್ಧ ಮತ್ತು ಮುಕ್ತ ರೀತಿಯಲ್ಲಿ ಶೋಷಣೆ ಮಾಡುವುದು. ಕೆಲವು ಸಂದರ್ಭಗಳಲ್ಲಿ, ಇದರರ್ಥ ಹೊಸ ತಾರತಮ್ಯದ ಕಾನೂನುಗಳ ಬಳಕೆ ಅಥವಾ ಅಸ್ತಿತ್ವದಲ್ಲಿರುವ ಕಾನೂನುಗಳನ್ನು ಮರುಹೊಂದಿಸುವುದು. ಇದು ಮುಸ್ಲಿಮರ ವಿರುದ್ಧ ಖಾಸಗಿ ದೂರುಗಳ ಮೂಲಕ ಕಾನೂನನ್ನು ಅಸ್ತ್ರಗೊಳಿಸುವುದು ಎಂದರ್ಥ. ಈ ದೂರುಗಳನ್ನು ಪೊಲೀಸರು ತ್ವರಿತವಾಗಿ ಅನುಸರಿಸುತ್ತಾರೆ. ಬಂಧಿತ ವ್ಯಕ್ತಿಗಳು ತಮ್ಮ ಪ್ರಕರಣವನ್ನು ಕೈಗೆತ್ತಿಕೊಳ್ಳುವ ಮತ್ತು ಜಾಮೀನು ಪಡೆಯುವ ವಕೀಲರನ್ನು ಹುಡುಕಲು ಹೆಣಗಾಡಬೇಕಾಗುತ್ತದೆ.
ಇತ್ತೀಚಿನ ಉದಾಹರಣೆಯನ್ನು ಪರಿಗಣಿಸಿ. ಕುತ್ಮಾ ಶೇಖ್ ಅವರನ್ನು ಕರ್ನಾಟಕದ ಬಾಗಲಕೋಟೆಯಲ್ಲಿ ಬಂಧಿಸಲಾಯಿತು : “ದೇವರು ಪ್ರತಿಯೊಂದು ರಾಷ್ಟ್ರಕ್ಕೂ ಶಾಂತಿ, ಏಕತೆ ಮತ್ತು ಸಾಮರಸ್ಯದಿಂದ ಆಶೀರ್ವದಿಸಲಿ” ಎಂದು ಸರಳವಾಗಿ ಹೇಳಿದ್ದರು. ಸ್ಥಳೀಯ ಹಿಂದುತ್ವ ಸಂಘಟನೆಯೊಂದಿಗೆ ನಂಟು ಹೊಂದಿರುವ ವ್ಯಕ್ತಿಯೊಬ್ಬರ ಖಾಸಗಿ ದೂರಿನ ಆಧಾರದ ಮೇಲೆ ಆಕೆಯನ್ನು ಬಂಧಿಸಲಾಗಿದೆ. ಆರೋಪಗಳು ಧರ್ಮ, ಜನಾಂಗ ಇತ್ಯಾದಿಗಳ ಆಧಾರದ ಮೇಲೆ ಗುಂಪುಗಳ ನಡುವೆ ದ್ವೇಷವನ್ನು ಸೃಷ್ಟಿಸುವುದಕ್ಕೆ ಸ೦ಬ೦ಧಿತ ಭಾರತೀಯ ದಂಡ ಸಂಹಿತೆಯ ಎರಡು ವಿಭಾಗಗಳನ್ನು ಸೇರಿವೆ. ಅಂತಹ ನಿರುಪದ್ರವ ಸಂದೇಶಕ್ಕಾಗಿ ಮಹಿಳೆಯನ್ನು ಏಕೆ ಬಂಧಿಸಿದ್ದೀರಿ ಎಂದು ಕೇಳಿದಾಗ, ಪೊಲೀಸರು ಹೇಳಿದರು, "ನಮಗೆ ಒಂದು ಮಾಹಿತಿ ಬಂದಿದೆ. ಈ ಸ೦ದೇಶ ಪ್ರಚೋದನಕಾರಿ ಮತ್ತು ಸಮಾಜದಲ್ಲಿ ಘರ್ಷಣೆಯನ್ನು ಉಂಟುಮಾಡುವ ಗುರಿಯನ್ನು ಹೊಂದಿದೆ ಎಂದು ದೂರಲಾಗಿದೆ. ಸ೦ದೇಶ ಪ್ರಕಟಿಸಿದವರ ಉದ್ದೇಶವನ್ನು ನಿರ್ಧರಿಸಲಾಗಿಲ್ಲವಾದ್ದರಿಂದ, ನಾವು ಇನ್ನೂ ವಿಷಯವನ್ನು ತನಿಖೆ ಮಾಡುತ್ತಿದ್ದೇವೆ.” ಪ್ರಾತಿನಿಧ್ಯವನ್ನು ನಿರಾಕರಿಸುವಂತೆ ಹಿಂದುತ್ವವಾದಿಗಳು ಸ್ಥಳೀಯ ವಕೀಲರ ಸಂಘದ ಮೇಲೆ ಒತ್ತಡ ಹೇರಿದರು, ಆಕೆ ದೇಶವಿರೋಧಿ ಎಂದು ಹೇಳಿಕೊಂಡರು. ಅಂತಿಮವಾಗಿ ಜಾಮೀನು ಸಿಕ್ಕಿತು, ಆದರೆ ಎರಡು ರಾತ್ರಿಗಳನ್ನು ಜೈಲಿನಲ್ಲಿ ಕಳೆಯುವ ನ೦ತರ ಮಾತ್ರ.
ಇದು ಒಬ್ಬ ಮುಸ್ಲಿಂ ಮಹಿಳೆಯ ಕಥೆ , ಆದರೆ ಭಾರತದಲ್ಲಿ ಇಂತಹ ಹತ್ತಾರು ಪ್ರಕರಣಗಳಿವೆ, ಹೆಚ್ಚಾಗಿ ಬಿಜೆಪಿ ಆಡಳಿತವಿರುವ ರಾಜ್ಯಗಳಲ್ಲಿ. ಕುತ್ಮಾ ಶೇಖ್ರ ಉದ್ದೇಶವು ನಿರುಪದ್ರವವಾಗಿದೆಯೇ ಎಂದು ತನಿಖೆ ಮಾಡುವ ಬದಲು, ದೂರುದಾರರ ಉದ್ದೇಶವೇನು ಎಂದು ಯೋಚಿಸಲು ಎಂದಿಗೂ ಇನ್ಸ್ಪೆಕ್ಟರ್ ತಮ್ಮ ಸಮಯ ಕಳೆಯಲಿಲ್ಲ. ‘ಹೊಸ ವ್ಯವಸ್ಥೆ’ಯನ್ನು ಅವನು ಸರಿಯಾಗಿ ಅರ್ಥಮಾಡಿಕೊಂಡಿರುವುದು ಇದಕ್ಕೆ ಕಾರಣ. ‘ಹಳೇ ಗಲಭೆ’ ವ್ಯವಸ್ಥೆಯಲ್ಲಿ ಸರ್ಕಾರದ ಪರ ಕಾರ್ಯಕರ್ತರು ಯಾರೋ ಒಬ್ಬರ ಮೇಲೆ ಹಲ್ಲೆ ನಡೆಸಿದಾಗ ಮುಖ ತಿರುವಿ ಬೇರೆ ಕಡೆ ನೋಡಬೇಕು ಎಂದು ಇನ್ಸ್ಪೆಕ್ಟರ್ ನಿಗೆ ಗೊತ್ತಿತ್ತು. ಇದನ್ನು ಮಾಡಲು ಅವನಿಗೆ ಸೂಚನೆ ನೀಡಬೇಕಾಗಿಲ್ಲ, ಅವನ ನಿಷ್ಕ್ರಿಯತೆ ಸಹಜ. ‘ಹೊಸ ವ್ಯವಸ್ಥೆ’ಯಲ್ಲಿ, ಹಿಂದುತ್ವವಾದಿಗಳು ಬೆರಳು ತೋರಿಸುವ ಯಾವುದೇ 'ದೇಶವಿರೋಧಿ'ಗಳ ಮೇಲೆ ಕಾನೂನು ಪುಸ್ತಕವನ್ನು ಎಸೆಯುವುದು ತನ್ನ ಪಾತ್ರ ಎಂದು ಇನ್ಸ್ಪೆಕ್ಟರ್ಗೆ ತಿಳಿದಿದೆ. ಕೆಲವೊಮ್ಮೆ, ಹಿ೦ದುತ್ವ ಕಾರ್ಯಕರ್ತರು ತುಂಬಾ ದೂರ ಹೋಗಿ ಯಾರನ್ನಾದರೂ ಕೊಂದಾಗ ಅಥವಾ ಗಂಭೀರವಾಗಿ ಗಾಯಗೊಳಿಸಿದಾಗ, ಪೊಲೀಸರು ಬಲಿಪಶುವಿನ ವಿರುದ್ಧ ಆರೋಪ-ಪ್ರತ್ಯಾರೋಪಗಳನ್ನು ದಾಖಲಿಸುತ್ತಾರೆ, ಉತ್ತರ ಭಾರತದಲ್ಲಿ 'ಗೋ ರಕ್ಷಕರ' ಬಹುಶಃ ಮೊದಲ ಬಲಿಪಶು, ಅಖ್ಲಾಕ್ ಪ್ರಕರಣದಲ್ಲಿ ಸಂಭವಿಸಿದಂತೆ.
‘ಹೊಸ ವ್ಯವಸ್ಥೆ’ ಹಿಂದುತ್ವದ ಕಾಲಾಳು-ಸೈನಿಕರ ಜಾಗರೂಕತೆಗೆ ಬಾಗಿಲು ತೆರೆಯುತ್ತದೆ, ಅವರನ್ನುಬಲಗೊಳಿಸುತ್ತದೆ ಮತ್ತು ಮುಸ್ಲಿಮರ ಜೀವನದಲ್ಲಿ ಅನಿಶ್ಚಿತತೆಯ ಶಾಶ್ವತ ಅಂಶವನ್ನು ಪರಿಚಯಿಸುತ್ತದೆ. ಏಕೆಂದರೆ ಅವರು ಏನು ತಿನ್ನುವುದು ಅಥವಾ ಧರಿಸುವುದು, ಏನು ಓದುವುದು ಅಥವಾ ಸ೦ದೇಶ ಪೊಸ್ಟ್ ಮಾಡುವುದು, ಏನು ಹೇಳುವುದು ಅಥವಾ ಮಾಡುವುದರಿಂದ ಅವರ ಯೋಗಕ್ಷೇಮಕ್ಕೆ ಧಕ್ಕೆಯಾಗಬಹುದೇ ಎಂದು ಈಗ ಎಚ್ಚರಿಕೆಯಿಂದ ಪರಿಗಣಿಸಬೇಕಾಗುತ್ತಿದೆ. ಇದೆಲ್ಲದರ ಗುರಿಯು ಮುಸ್ಲಿಮರ ಅಳಿಸುವಿಕೆಯಾಗಿದೆ - ಗೋಚರ ವ್ಯಕ್ತಿಗಳಾಗಿ, ಸಾಮೂಹಿಕವಾಗಿ, ಸಾಂಸ್ಕೃತಿಕ ಅಥವಾ ಭೌಗೋಳಿಕ ಘಟಕಗಳಾಗಿ.
ಈ ನಿರುತ್ಸಾಹಕರ ಪಟ್ಟಿಯನ್ನು ಪರಿಗಣಿಸಿ. ಇದು ಯಾವುದೇ ರೀತಿಯಲ್ಲೂ ಸಮಗ್ರವಾಗಿಲ್ಲ:
ದೆಹಲಿ, ಉತ್ತರ ಪ್ರದೇಶ ಮತ್ತು ಮಧ್ಯಪ್ರದೇಶದಲ್ಲಿ ಸ್ಥಳನಾಮಗಳ ಅಳಿಸುವಿಕೆ;
ಉರ್ದು ಭಾಷೆಯ ಮೇಲಿನ ಹಾಸ್ಯಾಸ್ಪದ ದಾಳಿಗಳು;
ಶಾಲೆಗಳಿಂದ ಹಿಜಾಬ್ ಅನ್ನು ನಿಷೇಧಿಸುವ ಪ್ರಯತ್ನ;
ಸಾಂಕ್ರಾಮಿಕ ಸಮಯದಲ್ಲಿ ಪ್ರಾರಂಭವಾದ ಕೋಮು ಪ್ರಚಾರದ ನಂತರ ಹೆಚ್ಚು ಬೆ೦ಬಲ ಸಂಗ್ರಹಿಸಿರುವ ಮುಸ್ಲಿಮರ ಸಾಮಾಜಿಕ ಮತ್ತು ಆರ್ಥಿಕ ಬಹಿಷ್ಕಾರದ ಕರೆಗಳು;
ಹಿಂದೂ ಹಬ್ಬಗಳಲ್ಲಿ ಮುಸ್ಲಿಂ ಭಾಗವಹಿಸುವಿಕೆಯನ್ನು ನಿಷೇಧಿಸುವ (ಮತ್ತು ಅಪರಾಧೀಕರಿಸುವ) ಪ್ರಯತ್ನಗಳು;
ಮಾಂಸ ಮತ್ತು ಇತರ ಉತ್ಪನ್ನಗಳ ಮೇಲೆ ಹಲಾಲ್ ಪ್ರಮಾಣೀಕರಣದ ಗುರಿ;
ಹಿಂದೂ ಪವಿತ್ರ ಕಾಲದಲ್ಲಿ ಮಾಂಸ ಮಾರಾಟದ ಮೇಲಿನ ನಿಷೇಧ;
ಮುಸ್ಲಿಂ ಮತ್ತು ಇಸ್ಲಾಮೀಕರಣದ ಸ್ಮಾರಕಗಳನ್ನು 'ಹಿಂದೂ' ಎಂದು ಮರುಪಡೆಯಲು ನಿರಂತರ ಪ್ರಯತ್ನಗಳು;
'ಮರುಪಡೆಯುವ' ಮತ್ತು 'ಭಾರತದೊಂದಿಗೆ' ಮರುಸಂಯೋಜಿಸುವ ಒಂದು ವಿಧಾನವಾಗಿ ಮುಸ್ಲಿಂ ನೆರೆಹೊರೆಗಳ ಮೂಲಕ ಹಿಂದೂ ಧಾರ್ಮಿಕ ಮೆರವಣಿಗೆಗಳನ್ನು ತೆಗೆದುಕೊಳ್ಳುವ ಆಕ್ರಮಣಕಾರಿ ರಾಜಕೀಯ;
ಬುಲ್ಡೋಜರ್ಗಳನ್ನು ಬಳಸಿ ಮುಸ್ಲಿಂ ಆಸ್ತಿಯ ಧ್ವಂಸಗೊಳಿಸುವಿಕೆಯ ಕ್ರಮ (ಇತ್ತೀಚೆಗೆ ಮಧ್ಯಪ್ರದೇಶ ಮತ್ತು ದೆಹಲಿಯಲ್ಲಿಯೂ ಕಂಡುಬಂದಿದೆ).
ಕಾಮೆಂಟ್ಗಳು
ಕಾಮೆಂಟ್ ಪೋಸ್ಟ್ ಮಾಡಿ