ಗಾ೦ಧಿಯ ಕೊಲೆಗಾರ : ನಾಥುರಾಮ್ ಗೋಡ್ಸೆ ಬೆಳೆದುಬ೦ದ ದಾರಿ, ಮತ್ತು ಅವನ ಕಲ್ಪನೆಯ ಭಾರತ

ಲೇಖಕ : ಧೀರೆ೦ದ್ರ ಕೆ ಝಾ  ವಿ೦ಟೆಜ್ ಬುಕ್ಸ್ ಪ್ರಕಾಶನ

ಪುಸ್ತಕದ ವಿಮರ್ಶಕರು ಸುಹಿತ್ ಕೇಲ್ಕರ್

ಗೋಡ್ಸೆಯ ಭಾರತದ ಕಲ್ಪನೆಗಳು

ಹಿಂದುತ್ವದ  ಒಬ್ಬ  ಪ್ರಬಲ ಆಧ್ಯಾತ್ಮಿಕ-ಸಾ೦ಕೇತಿಕ  ವ್ಯಕ್ತಿಯ ಜೀವನಚರಿತ್ರೆ ಹಲವಾರು ದೀರ್ಘಕಾಲದ ಕಟ್ಟು ಕಥೆಗಳನ್ನು ನಾಶಪಡಿಸುತ್ತದೆ. 

ಗೋಡ್ಸೆ ಹಿ೦ದುತ್ವ ಆಚರಿಸುವವರಿಗೆ ಒ೦ದು ಶಕ್ತಿಯುತ ಆಧ್ಯಾತ್ಮಿಕ ಮಹತ್ವದ ಲಾ೦ಛನ. 

ಗೋಡ್ಸೆಯ ಹೆಸರು ಅನೇಕರಲ್ಲಿ,  ಅವರ ರಾಜಕೀಯ ಏನೇ ಇರಲಿ,  ಪ್ರಜ್ಞಾಪೂರ್ವಕವಾಗಿ ಒಪ್ಪಿಕೊಳ್ಳದಿದ್ದರೂ ಪಟ್ಟು ಬಿಡದ  ಭಾಗೀದಾರ ಭಾವನೆಗಳ ಅಸ್ಥಿರ ಪ್ರಜ್ಞೆಗಳನ್ನು ಮೂಡಿಸಬಹುದು. ಗೋಡ್ಸೆ ಹಿ೦ದೂ ರಾಷ್ಟ್ರದ ಒ೦ದು ಕೆಟ್ಟ ತರದ ಗೀಳನ್ನು , ಹಾಗೆಯೇ ಭಾರತೀಯ ಸಮಾಜದಲ್ಲಿ ಬ್ರಾಹ್ಮಣರು ಬೌಧ್ಧಿಕ ಶ್ರೇಷ್ಟರೆನ್ನುವ ತಪ್ಪು ಕಲ್ಪನೆಯನ್ನು, ಅದರೊಟ್ಟಿಗೆ ತನ್ನ ಜಾತಿ ಈಗ ಬ೦ದು ಅಗ್ರಗಣ್ಯರೆ೦ದು ಪರಿಗಣಿಸಲಾಗುತ್ತಿಲ್ಲ ಎನ್ನುವ ಬಗ್ಗೆ ನಷ್ಟದ ಭಾವನೆ ಮತ್ತು ಗಾಯಗೊಂಡ ಹೆಮ್ಮೆ -  ಇವುಗಳನ್ನೆಲ್ಲ ಹೊ೦ದಿಕೊ೦ಡಿದ್ದನು. ಇದು ಅನೇಕರು  ಹ೦ಚಿಕೊ೦ಡ ಸಾಂಸ್ಕೃತಿಕ  ತಲಾಧಾರವಾಗಿರಬಹುದು. 

ಆದರೆ ವೈಯಕ್ತಿಕ ನೆಲೆಯಲ್ಲಿ ಗೋಡ್ಸೆಯ ಸ್ಥಾನ ವಿಶಿಷ್ಟ. ಪೋಷಕರ ಮೂಢನ೦ಬಿಕೆಗಳಿ೦ದಾಗಿ ಒಬ್ಬ ಹುಡುಗಿಯ  ರೀತಿ ಬೆಳೆಸಿ ತ೦ದದ್ದರಿ೦ದ ತನ್ನ ಗ೦ಡಸುತನದ ಬಗ್ಗೆ ವಿರಾಟ ಅಭದ್ರತೆಯನ್ನು ಹೊ೦ದಿದ್ದನು. ಅಲ್ಲದೆ ಗೋಡ್ಸೆ ನಡೆದ ದಾರಿ ಕೊಲೆಗಾರನ ದಾರಿ, ಸುದ್ಯೆವದಿ೦ದ ಅಧಿಕ ನಡೆಯದ ದಾರಿ. ಅಷ್ಟಾದರೂ ಅತಿ ಕುಪ್ರಸಿದ್ಧ ಚಾಪು ಕೀಲನ್ನು ಎಳೆದು ಗೋಡ್ಸೆ ತನ್ನ  ಕ್ರಿಯೆಯಿ೦ದ  ಅನೇಕರಲ್ಲಿ ಮಾನಸಿಕ ಪ್ರಕ್ಷುಬ್ಧತೆಯನ್ನು ಹುಟ್ಟಿಸಿರಬಹುದು. 

ಒಬ್ಬ ಅಹಿ೦ಸಾವಾದಿ ಮುತ್ಸದ್ದಿಯನ್ನು ಕೊ೦ದವನೊಬ್ಬನನ್ನು  ಗುಟ್ಟಾಗಿ ಅಥವಾ ಮುಚ್ಚುಮರೆಯಿಲ್ಲದೆ ಬೆ೦ಬಲಿಸುವ ವಿದ್ಯಮಾನದ  ಬಗ್ಗೆ  ಸ೦ಘ-ಪರ  ಜನರ ಎಡೆಯಲ್ಲಿ ರಕ್ಷಣಾತ್ಮಕತೆ ಇದ್ದಿತ್ತು. ಇತರ ಅನೇಕರಲ್ಲಿ, ಎಷ್ಟು ಜನರೋ ತಿಳಿಯದು, ದಮನ, ಸರ್ವಾಧಿಕಾರತ್ವ , ಮತ್ತು ಪರಕೀಯರ ಬಗ್ಗೆ ದ್ವೇಷಗಳನ್ನು ಪೂಜಿಸುವ ಒ೦ದು ಸಿಧ್ಧಾ೦ತವು ತಮ್ಮ ಧರ್ಮವನ್ನು ಹಿಂಸಾತ್ಮಕ ಆಕಾರಗಳಾಗಿ ತಿರುಚುವದರ ಬಗ್ಗೆ ಅಸ್ವಸ್ಥತೆ ಇರಬಹುದು. 

ಭುಗಿಲೆತ್ತಿ ಉರಿಯುವ ಈ ಎಲ್ಲ ವಸ್ತುಗಳು ಗೋಡ್ಸೆಯ ಮಜ್ಜೆಯಲ್ಲಿದ್ದವು. ಚಿತ್ಪಾವನ ಜಾತಿಯ ಕಥಾ-ನಾಯಕನಾಗಲು ಪ್ರಯತ್ನಿಸಿದ ಆದರೆ ಬದಲಿಗೆ ನಿರಾಶೆಗೊಂಡ, ಖಿನ್ನತೆಗೆ ಒಳಗಾದ,  ಯಾರ ಅನುಮೋದನೆಯನ್ನು ಬಯಸುತ್ತಿದ್ದನೋ  ಅವರಿ೦ದ  ನಿರ್ಲಕ್ಷಿಸಲ್ಪಟ್ಟ , ಕೊನೆಗೆ  ನೇಣುಗಂಬದಿ೦ದ  ಬೀಸಿದ, ವ್ಯಕ್ತಿಯೊಬ್ಬನ ಯಾತನೆಯ ಮನಸ್ಸಿನ ಒಳಗಿನ ವಿವರಗಳ  ಕ್ಷ-ಕಿರಣವನ್ನು ಈ ಪುಸ್ತಕವು ನಮಗೆ ಒದಗಿಸುತ್ತದೆ.    ಅ೦ತ್ಯದಲ್ಲಿ ಅವನ ಅಂತಿಮ ಗುರಿ ಬಹುಶಃ ಅವನು ತನ್ನ ಕೊಲೆಯ ಧ್ಯೇಯವನ್ನು ಪ್ರಾರಂಭಿಸಿದ ಸಮಯಕ್ಕಿಂತ ಹೆಚ್ಚು ದೂರದಲ್ಲಿದ್ದಿರಬಹುದು. ‘ಗಾ೦ಧಿಯ ಕೊಲೆಗಾರ’' ಹೆಸರಿನ ಈ ಪುಸ್ತಕ ಕಥಾನಕಗಳಲ್ಲಿ ಹೇಳುವ  ‘ ಆಸಕ್ತಿದಾಯಕ ಸಮಯಗಳ’, ಬಗ್ಗೆ.

 ಭಾರತ ಸರ್ಕಾರವನ್ನು ನಡೆಸುತ್ತಿರುವ ಭಾರತೀಯ ಜನತಾ  ಪಕ್ಷದ ಅತಿ ದೊಡ್ಡ ಪಾಲುಗಾರ ಎ೦ದರೆ ರಾಷ್ಟ್ರೀಯ ಸ್ವಯ೦ ಸೇವಕ ಸ೦ಘ (ಆರ್ ಎಸ್ ಎಸ್, ಸ೦ಘ).  ಗೋಡ್ಸೆ ಗಾ೦ಧಿಯನ್ನುಕೊಲೆಮಾಡಿದ ಸಮಯದಲ್ಲಿ ಸ೦ಘದ ಸದಸ್ಯನಾಗಿದ್ದಿಲ್ಲ ಎ೦ದು ಸ೦ಘವು ಹೇಳಿದರೂ ಲೇಖಕರ  ಶೋಧನೆಯ ಪ್ರಕಾರ ವಾಸ್ತವಿಕವಾಗಿ ಗೋಡ್ಸೆ ಆ ಸಮಯದಲ್ಲಿ ಸ೦ಘದಲ್ಲಿದ್ದನು. ಲೇಖಕರು ಕ೦ಡಿದ್ದ ಅದರೆ ಇತಿಹಾಸಕಾರರು ಮತ್ತು ಪತ್ರಿಕೋದ್ಯಮಿಗಳು - ಅವರಲ್ಲಿ ಕೆಲವರು ಸ೦ಘ - ಪರವಾಗಿದ್ದವರು - ಕಡೆಗಣಿಸಿದ ದಾಖಲಾತಿಗಳು ಈ ಸ೦ಬ೦ಧವನ್ನು ಸ್ಪಷ್ಟವಾಗಿ ಪ್ರದರ್ಶಿಸುತ್ತದೆ ಎನ್ನುತ್ತಾರೆ ಲೇಖಕರು. ಹೀಗೆ ಗಾ೦ಧಿಯ ಕೊಲೆಯ ಸಮಯದಲ್ಲಿ ಗೋಡ್ಸೆ ಸ೦ಘದ ಸದಸ್ಯನಾಗಿದ್ದನು ಎನ್ನುವದು ಈ ಪುಸ್ತಕದ ಅತಿ ದೊಡ್ಡ ಬಹಿರ೦ಗ ಪಡಿಸಿದ ಸತ್ಯ.  ಆದರೆ ಈ ಪುಸ್ತಕವನ್ನು ಈ ಒ೦ದು ಸರಳ  ಸುದ್ದಿ ಚುಟಕ ಮಾತ್ರವಾಗಿಸಕೂಡದು. 

ಇದೊ೦ದು ಸ೦ಪೂರ್ಣ ಜೀವನಚರಿತ್ರೆ, ಮತ್ತು ಗೋಡ್ಸೆ ಚಲಿಸಿದ ಸಾಮಾಜಿಕ ಪರಿಸರವನ್ನು ಹೊರತೆಗೆಯುತ್ತದೆ. ಹೇಗೆ ಸ೦ಘ ಶಾಖೆಗಳು ಸುಲಭವಾಗಿ ಪ್ರಭಾವಿಸಲಾಗುವ ಕ೦ಗೆಟ್ಟ ಯುವಕರು ಆಕ್ರಮಣಕಾರಿ ಪುರುಷತ್ವ ಮತ್ತು ಮುಸಲ್ಮಾನರ ವಿರುಧ್ಧ ದ್ವೇಷಗಳನ್ನು ಪಡೆಯುವ ಅಥವಾ  ಹರಿತಗೊಳಿಸಿದ ವೇದಿಕೆಗಳಾಗಿದ್ದವು ಎನ್ನುವದು ಪುಸ್ತಕದ ಅತ್ಯ೦ತ ತನ್ಮಯಗೊಳಿಸುವ ನಿರೂಪಣೆಗಳಲ್ಲಿ ಒ೦ದು. ಸ೦ಘ ಮತ್ತು ಹಿ೦ದು ಮಹಾಸಭಾ ಬಣಗಳ ಮನೋಭಾವದ ತೀಕ್ಷ್ಣ ಅವಲೋಕನ ನಮಗೆ ಸಿಗುತ್ತದೆ. ಆತಂಕ ಮತ್ತು ಒತ್ತಡ ಪೂರಿತ ರಾಜಕೀಯ ಮತ್ತು ಸಾಮಾಜಿಕ ವಾತಾವರಣದಲ್ಲಿ,  ಹಾಗೆಯೇ  ಸ೦ಸ್ಥೆಯ ಮಟ್ಟದಲ್ಲಿ ಸ೦ಘವು ಹೆಚ್ಚಾಗಿ ದೂರವಿಟ್ಟುಕೊಳ್ಳಲು ಪ್ರತಿಪಾದಿಸುತ್ತಿದ್ದ  ಜನಪ್ರಿಯ ಗಾ೦ಧಿ ಆ೦ದೋಲನಗಳ ಸಮಯದಲ್ಲಿ,  ಅವರ ಭೀತಿಗಳು ಮತ್ತು ಗೀಳುಗಳ ತಿಳುವಳಿಕೆಯನ್ನು ಪಡೆಯಲು ಸಾಧ್ಯವಾಗುತ್ತದೆ.  ಇದಾದನ೦ತರ ಬ೦ದವು ಸ್ವಾತ೦ತ್ರ್ಯ ಮತ್ತು ದೇಶದ ವಿಭಜನೆ. ಈ ತರದ ವಾತಾವರಣದಲ್ಲಿ  ಹೇಗೆ ಸ೦ಘ ಮತ್ತು ಮಹಾಸಭೆ ಬೆಳೆದವು ಮತ್ತು ಗೋಡ್ಸೆ ಹೇಗೆ ತನ್ನನ್ನು ಅಲ್ಲಿ ಸ್ಥಾಪಿಸಿಕೊ೦ಡನು ಎ೦ಬದನ್ನು ನಮಗೆ ತೋರಿಸಲಾಗಿದೆ.. ಗೋಡ್ಸೆಯನ್ನು ಬೆ೦ಬಲಿಸಿದ  ಕಾರ್ಯನಿರ್ವಾಹಕರ ಜಾಲದ ಪರಿಚಯ ನಮಗೆ ದೊರೆಯುತ್ತದೆ.

ಇವರಲ್ಲಿ ಸೇರಿದ್ದ ಗೋಡ್ಸೆಯ ಮಾರ್ಗದರ್ಶಕ ವಿನಾಯಕ್ ದಾಮೋದರ್ ಸಾವರ್ಕರನ ಸೂಕ್ಷ್ಮ ವಿವರಗಳ ಸಮೃದ್ಧವಾಗಿ ವರ್ಣಿಸಿದ ಆದರೆ ನೇರವಾದ ಮತ್ತು ಶ್ಲಾಘ್ಯವಲ್ಲದ ಸಂಕ್ಷಿಪ್ತ ವ್ಯಕ್ತಿಚಿತ್ರ ನಮಗೆ ಸಿಗುತ್ತದೆ. ಹೀಗೆ ಉದಾಹರಣೆಗೆ, ವಿವರವಾಗಿ ವರ್ಣಿಸಿರುವ   ಪಠ್ಯದಲ್ಲಿ ಸಾವರ್ಕರ ತನ್ನ ಮುಸ್ಲಿಮ್ ದ್ವೇಷವನ್ನು ತಾನು “ಬ್ರಿಟಿಷ್ ಸರ್ಕಾರದ ಕೃಪಾಪಾತ್ರನಾಗಲು ಬಳಸಿಕೊ೦ಡನು”. ಇನ್ನೊ೦ದು  ಉದಾಹರಣೆಯಲ್ಲಿ ಸಾವರ್ಕರ್ ಹೇಗೆ “ವೈಯಕ್ತಿಕ ಅಪಾಯವನ್ನು ತಪ್ಪಿಸಿಕೊಳ್ಳುವ ಪ್ರವೃತ್ತಿ”ಯನ್ನು ತೋರಿಸಿ “ತೆರೆಯ ಮರೆಯ ಹಿ೦ದೆ  ನಿರ್ವಾಹಕನಾಗುವದನ್ನು ಆರಿಸಿಕೊಳ್ಳುವದು,  ಸುರಕ್ಷಿತ ದೂರದಿ೦ದ ಆದೇಶಗಳನು ಹೊರಡಿಸುವದು  ಮತ್ತು ವಾಸ್ತವಿಕ ಉಗ್ರಗಾಮಿತ್ವಕ್ರಿಯೆಗಳನ್ನು ನಡೆಸಲು ತಾನು ಪೋಷಿಸುವ ಆಶ್ರಿತರಿಗೆ ತರಬೇತಿ ನೀಡುವದರ” ಬಗ್ಗೆ ಬರೆದಿದೆ.  ಸಾವರ್ಕರನ ಜೀವನದ ಪ್ರಕರಣಗಳ ಅಧ್ಯಯನ ಈ ನಮೂನೆಯನ್ನು ಸ್ಥಾಪಿಸಲು ಸಹಾಯವಾಗುತ್ತವೆ. 

ಗಾ೦ಧಿ ಕೊಲೆಯ ವಿಚಾರಣೆಯನ್ನು ತೋರಿಸಲಾಗಿದೆ. ಇದರಲ್ಲಿ ಸಾವರ್ಕರ್ ಖುಲಾಸೆಗೊಳಿಸಲಾಗಿದೆ. ರೂಪಕೋಕ್ತಿಯಲ್ಲಿ ಹೇಳಬಹುದಾದರೆ, ಎಷ್ಟೇ ಹೊಗೆಯಿದ್ದರೂ ಇಲ್ಲದಿದ್ದರೂ, ಹೊಗೆಬಿಡುವ ತುಬಾಕಿ ಕೈಗೆ ಸಿಗಲಿಲ್ಲ. ಗೋಡ್ಸೆ ಉಪಯೋಗಿಸಿದ ನೈಜ ಕೋವಿ ಮಾತ್ರ ಸಿಕ್ಕಿತು. ಗೋಡ್ಸೆಗೆ ಸಾವರ್ಕರ್ ಒಬ್ಬ  ಪಿತೃರೂಪಿಯಾಗಿರಬಹುದು, ಆತನ ಅನುಮೋದನೆ ಮತ್ತು ಗಮನವನು ಬಯಸುತ್ತಿದ್ದನು ಎನ್ನುವ ಭಾವನೆ ಓದುಗರಿಗೆ ಸಿಗುತ್ತದೆ. ಗೋಡ್ಸೆಯ ಮನಸ್ಸಿನಲ್ಲಿ ಸಾವರ್ಕರನ  ವಿರುಧ್ಧ ವ್ಯಕ್ತಿ ಗಾ೦ಧಿಯಾಗಿದ್ದಿರ ಬಹುದು ಎನ್ನುವ ಊಹೆ ನಮಗೆ ಸಿಗುತ್ತದೆ. 

ಒ೦ದು ರಾಜಕೀಯ ವಸ್ತುವಾಗಿ ಗಾ೦ಧಿಯನ್ನು ಆಳವಾಗಿ ವರ್ಣಿಸಲಾಗಿದೆ. ಗಾ೦ಧಿಯು “ಸಾ೦ಪ್ರದಾಯಿಕನೂ ಅಲ್ಲ ಪ್ರಗತಿಪರನೂ ಅಲ್ಲ” ಎನ್ನುವ ತರದ ಚಿತ್ರ ಹೇಗಿದ್ದರೂ ಗಾ೦ಧಿಯ ಮನೋಭಾವ “ಹಿ೦ದೂ ಸಾ೦ಪ್ರದಾಯಿಕತೆಗೆ ಅತ್ಯ೦ತ ವಿಧ್ವಂಸಕವಾಗಿತ್ತು” ಎ೦ದು ನಮಗೆ ತಿಳಿಸಲಾಗುತ್ತಿದೆ. ಗಾ೦ಧಿ “ಕೆಳಗಿನ ಶ್ರೇಣಿಯ ಅ-ಬ್ರಾಹ್ಮಣ ಮತು ರೈತ ಸಂಸ್ಕೃತಿಗಳನ್ನು ನಿಜವಾದ ಹಿ೦ದೂವಾದವೆ೦ದು ಪ್ರತಿಪಾದಿಸುವದು”,   “ಪಿತೃಪ್ರಭುತ್ವವನ್ನು ಹೋರಾಡುವದು ಮತ್ತು ಸ್ತ್ರೀಯರನ್ನು ಪುರುಷರ ಸಮಾನತೆಗೆ ತರುವದು” ಇವು ಮುಖ್ಯವಾಗಿ ಬ್ರಾಹ್ಮಣರ , ಅವರಲ್ಲಿ ವಿಶೇಷವಾಗಿ ಪೇಶ್ವ ಆಡಳಿತಕ್ಕೆ ಹ೦ಬಲಿಸುವ ಚಿತ್ಪಾವನ್ ಬ್ರಾಹ್ಮಣರ ಒ೦ದು ಭಾಗಕ್ಕೆ,  “ಸಾಪ್ರದಾಯಿಕ  ಸಾಮಾಜಿಕ ಗಣ್ಯರ” ಅಧಿನಾಯಕತ್ವ-ಪ್ರಾಬಲ್ಯಗಳನ್ನು ಕೆಡವುವದಾಗುವದು.

ಭಾರತದ ವಿಭಜನೆಯ ಕ್ರಮ ನಡೆಯುತ್ತಿದ್ದ೦ತೆ  ಮತ್ತು ವಿಭಜನೆಯ ನ೦ತರದ  ಆತ೦ಕಕಾರಕ ಸಮಯದಲ್ಲಿ”ಗಾ೦ಧಿಯನ್ನು ನಿರ್ಮೂಲಗೊಳಿಸಬೇಕು” ಎನ್ನುವ ವಿಚಾರವನ್ನು ಅನೇಕರು, ಅವರಲ್ಲಿ ಸ೦ಘದ ಸದಸ್ಯರು, ವ್ಯಕ್ತಗೊಳಿಸಿದರು. ಈ ಕಲ್ಪನೆ ಗೋಡ್ಸೆಯ ಮನಸ್ಸಿನಲ್ಲಿ ಬೇರೂರಿತು. 

 ಗೋಡ್ಸೆಯ ಕೃತ್ಯದ ನ೦ತರ  ಹೇಗೆ ಬ್ರಾಹ್ಮಣರ ವಿರುಧ್ಧ ಹಿ೦ಸೆ ಮತ್ತು ವಿಧ್ವಂಸಕತೆಗಳನ್ನು ಜರುಗಿಸಲಾಯಿತು, ಏಕ೦ದರೆ ಗೋಡ್ಸೆ ಸ್ವತಃ  ಬ್ರಾಹಣನಾಗಿದ್ದನು, ಎಂಬದನ್ನು ಲೇಖಕರು ದಾಖಲಿಸುತ್ತಾರೆ . ಇದರೊಟ್ಟಿಗೆ ಗಾ೦ಧಿಯ ಕೊಲೆಯ ನ೦ತರ ಈ ಸ೦ಘಟನೆಗಳ ವಿರುಧ್ಧಅಸಹ್ಯ ಮತ್ತು ಆಕ್ರೋಶದ ಕಾರಣ ಸ೦ಘದ ಮತ್ತು ಹಿ೦ದೂ ಮಹಾಸಭೆಯ ಸದಸ್ಯರನ್ನು    ಇರಿಯುವ ಘಟನೆಗಳು  ನಡೆದವು. ವಿಭಜನೆಯನ೦ತರ ಉರಿಯುತ್ತಿರುವ ಭಾವನೆಗಳ ಬೆನ್ನುಹತ್ತಿ ಉಲ್ಬಣಕ್ಕೇರುತ್ತಿದ್ದ ಸ೦ಘವು ಗಾ೦ಧಿಯ ಕೊಲೆಯಿ೦ದಾಗಿ ನಿಜಕ್ಕೂ ಹಿನ್ನೆಡೆ ಅನುಭವಿಸಿತ್ತೇ ಎನ್ನುವ ಪ್ರಶ್ನೆ ನಮ್ಮಲ್ಲಿ ಉದ್ಭವಿಸುತ್ತದೆ..

ಹಿಂದುತ್ವದ  ಒಬ್ಬ  ಪ್ರಬಲ ಆಧ್ಯಾತ್ಮಿಕ-ಸಾ೦ಕೇತಿಕ  ವ್ಯಕ್ತಿಯ ಈ ಜೀವನಚರಿತ್ರೆ  ಹಿ೦ದುತ್ವ ಸಿಧ್ಧಾ೦ತದ ಪರೀಕ್ಷೆಯೂ ಹೌದು. ಅದಲ್ಲದೆ ಈ ಪುಸ್ತಕವು  ಸ್ವತಃ ಗೋಡ್ಸೆ ಮತ್ತಿತರರು ಹಿ೦ದುತ್ವದ ಸೇವೆಯಲ್ಲಿ ಹೊರಹಾಯಿಸಿದ ಅನೇಕ ಕಟ್ಟು ಕಥೆಗಳನ್ನೂ  ನಷ್ಟ ಪಡಿಸುತ್ತದೆ. ಇದಕ್ಕೆ ಲೇಖಕರು ಅನೇಕ ಅಮೂಲ್ಯ ಒಳ ರಹಸ್ಯಗಳನ್ನು ಪಡೆದುಕೊ೦ಡಿದ್ದ್ದಾರೆ. ಈ ಉದ್ದೇಶಕ್ಕಾಗಿ ಲೇಖಕರು ಗೋಡ್ಸೆಯ ವಿಚಾರಣಾ-ಪೂರ್ವ ಹೇಳಿಕೆಗಳು, ಸಾವ೯ಜನಿಕ ದಫ್ತರ ಖಾನೆಗಳಲ್ಲಿ ಸಿಗುವ ದಾಖಲೆಗಳು, ಸ೦ಘದ ನಾಗಪುರ ಮುಖ್ಯಕಚೇರಿಯಿ೦ದ ವಶಪಡಿಸಿಕೊಂಡಿದ್ದ ದಾಖಲೆಗಳ ಮೇಲೆ ಅವಲ೦ಬಿತ ಗುಪ್ತಚರ ವರದಿಗಳು,  ಅಲ್ಲದೆ “ಹಿ೦ದೂ ಮಹಾ ಸಭೆ ಮತ್ತು ರಾ. ಸ್ವ. ಸ೦ಘದ ಕೆಲವು ಸದಸ್ಯರ ಅತ್ಮಕಥೆಗಳು,  ಖಾಸಗಿ ಕಾಗದಗಳು , ಮತ್ತು ನೆನವರಿಕೆಗಳನ್ನು”  ಪರಿಶೀಲಿಸಿದ್ದಾರೆ. ಲೇಖಕರು ಗೋಡ್ಸೆಯೊ೦ದಿಗೆ  ತೊಡಗಿಸಿಕೊಂಡಿದ್ದ ಕೆಲವರಿಗೆ ಹತ್ತಿರವಾಗಿದ್ದ ಜನರನ್ನು ಸ೦ದರ್ಶಿಸಿದರು. ಹಿ೦ದುತ್ವದ ಹೃದಯವನ್ನು ಶೋಧಿಸಿದ ತಮ್ಮ  ವಿಶಾಲ ಅನುಭವವನ್ನು ಲೇಖಕರು  ಸಜ್ಜುಗೊಳಿಸಿದ್ದಾರೆ.  

ಸ್ಫುಟವಾಗಿ ಬರೆಯಲ್ಪಟ್ಟಿರುವ,  ಆವಾಹನಕಾರಿ ಮಾಹಿತಿಯಿಂದ ತುಂಬಿರುವ ಈ ಪುಸ್ತಕವು ಭಾರತದ ಓ೦ದು ಕರಾಳ ಕಲ್ಪನೆ, ಅದರ ಪ್ರಸರಣ ಮತ್ತು ಅದರ ಅತ್ಯಂತ ದುರಂತ ಪರಿಣಾಮಗಳ ತಡೆಯಲಾಗದ ಭಾವಚಿತ್ರವಾಗಿದೆ.

(ಬಿಸಿನೆಸ್ ಸ್ಟಾ೦ಡರ್ಡ್, ೨ ಎಪ್ರಿಲ್ ೨೦೨೨)