ಗಡಿಗಳಿಲ್ಲದ ಆಕ್ರೋಶ: ಜಿಗ್ನೇಶ್ ಮೇವಾನಿ ಬಂಧನದ ಬಗ್ಗೆ
‘ದಿ ಹಿ೦ದು’ ಸಂಪಾದಕೀಯ ಏಪ್ರಿಲ್ 23, 2022
ಮೇವಾನಿ ಹೇಳಿಕೆ ವಿರುದ್ಧ ಅಸ್ಸಾಂ ಪೊಲೀಸರ ಕ್ರಮ ಕಾನೂನಿನ ದುರ್ಬಳಕೆಯಾಗಿದೆ
ಗುಜರಾತ್ ಸ್ವತಂತ್ರ ಶಾಸಕ ಜಿಗ್ನೇಶ್ ಮೇವಾನಿ ಅವರನ್ನು ಅಸ್ಸಾಂ ಪೊಲೀಸರು ಬಂಧಿಸಿರುವುದು ಕೇಂದ್ರ ಸರ್ಕಾರದ ತೀವ್ರ ಟೀಕಾಕಾರರನ್ನು ಗುರಿಯಾಗಿಸಿ ಕಾನೂನು ದುರುಪಯೋಗದ ಒಂದು ಘೋರ ಉದಾಹರಣೆಯಾಗಿದೆ. ಅವರ ಬಂಧನದಲ್ಲಿ ಕಾನೂನು ಮತ್ತು ಪ್ರಜಾಪ್ರಭುತ್ವದಲ್ಲಿ ನಂಬಿಕೆ ಇರುವವರಿಗೆ ಆಘಾತ ಮತ್ತು ಅಸಹ್ಯ ಉಂಟು ಮಾಡುವ ಹಲವಾರು ಅಂಶಗಳಿವೆ.
ಮೇವಾನಿಯವರ, ಟ್ವಿಟ್ಟರ್‌ನಿಂದ ತರುವಾಯ ತಡೆಹಿಡಿಯಲ್ಪಟ್ಟ, ಟ್ವೀಟ್‌ಗಳಲ್ಲಿ, ಪ್ರಧಾನಿ ನರೇಂದ್ರ ಮೋದಿಯನ್ನು "ಗೋಡ್ಸೆ ಆರಾಧಕ" ಎಂದು ಬಣ್ಣಿಸಲಾಯಿತು, ಆದರೆ ಕೋಮು ಹಿಂಸಾಚಾರಕ್ಕೆ ಸಾಕ್ಷಿಯಾದ ಗುಜರಾತ್‌ನ ಕೆಲವು ಪ್ರದೇಶಗಳಲ್ಲಿ ಶಾಂತಿಗಾಗಿ ಕರೆ ನೀಡುವಂತೆ ಅವರಿಗೆ ಮನವಿಯನ್ನು ಸಹ ಒಳಗೊಂಡಿದೆ. ಇದರಲ್ಲಿ ಪ್ರಧಾನಿಯವರ ಕಟು ಟೀಕೆಗಳ ಹೊರತಾಗಿ ಸಾರ್ವಜನಿಕ ನೆಮ್ಮದಿಯ ಮೇಲೆ ಪರಿಣಾಮ ಬೀರುವ ಅಥವಾ ಸಮಾಜದಲ್ಲಿ ಒಡಕು ಉಂಟು ಮಾಡುವಂಥದ್ದು ಏನೂ ಇಲ್ಲ ಎಂಬುದು ಸ್ಪಷ್ಟ. ಪ್ರಚೋದನಕಾರಿ ಭಾಷಣ, ಶಾಂತಿ ಭಂಗ ಮತ್ತು ಧಾರ್ಮಿಕ ಭಾವನೆಗಳ ಆಕ್ರೋಶಕ್ಕೆ ಸಂಬಂಧಿಸಿದ ಅಪರಾಧಗಳ ಸಂಪೂರ್ಣ ಕ೦ತೆಗಳನ್ನು ಪೊಲೀಸರು ಎತ್ತಿರುವದು ಮಾತ್ರವಲ್ಲದೆ, ಪಿತೂರಿ ಮತ್ತು ಕಂಪ್ಯೂಟರ್‌ಗಳನ್ನು ಹ್ಯಾಕಿಂಗ್‌ಗೆ ಸಂಬಂಧಿಸಿದ ನಿಬಂಧನೆಗಳನ್ನು ಸಹ ಹೆಚ್ಚಿನ ಪರಿಣಾಮಕಾರಿ ಕ್ರಮಕ್ಕಾಗಿ ಸೇರಿಸಲಾಗಿದೆ. ಎಫ್‌ಐಆರ್‌ನಲ್ಲಿನ ಕೆಲವು ಕ್ರಿಮಿನಲ್ ನಿಬಂಧನೆಗಳು ಪ್ರಶ್ನಾರ್ಹವಾಗಿದ್ದರೂ, ಗುಜರಾತ್‌ನಲ್ಲಿ ಶಾಸಕರೊಬ್ಬರ ವಿರುದ್ಧ ರಾಜಕೀಯ ಕಾರ್ಯಕರ್ತರ ದೂರಿನ ಮೇರೆಗೆ ದೂರದ ಅಸ್ಸಾಂನ ಕೊಕ್ರಜಾರ್‌ನ ಪೊಲೀಸರು ಕ್ರಮಕೈಗೊಳ್ಳಲು ಮತ್ತು ಅವರನ್ನು ಕಸ್ಟಡಿಗೆ ತೆಗೆದುಕೊಳ್ಳಲು ದೂರದ ಗುಜರಾತಿಗೆ ಪ್ರಯಾಣಿಸಲು ಆಯ್ಕೆ ಮಾಡಿಕೊಂಡಿರುವುದು ಮತ್ತು ಅವರನ್ನು ಅಸ್ಸಾಂನಲ್ಲಿ ಜೈಲಿನಲ್ಲಿಡುವದು, ಇವೆಲ್ಲ ಬೆರಗುಗೊಳಿಸುವ ಹೆಜ್ಜೆಗಳಾಗಿವೆ. ಆಪಾದಿತ ಆಕ್ಷೇಪಾರ್ಹ ಹೇಳಿಕೆಯನ್ನು ಆನ್‌ಲೈನ್‌ನಲ್ಲಿ ಮಾಡಲಾಗಿದೆ ಮತ್ತು ಇಂಟರ್ನೆಟ್‌ನಲ್ಲಿ ಓದಬಹುದು ಎಂಬ ಅಂಶವನ್ನು ಹೊರತುಪಡಿಸಿ, ಅಸ್ಸಾಂ ಪೊಲೀಸರಿಗೆ ಅಧಿಕಾರದ ವ್ವ್ಯಾಪ್ತಿಯನ್ನು ನೀಡಲು ಏನೂ ಆಧಾರವಿಲ್ಲ.
ಒಂದು ವಿಭಾಗದ ಧಾರ್ಮಿಕ ಭಾವನೆಗಳನ್ನು ಕೆರಳಿಸುವ ಅತಿರೇಕದ ಕೃತ್ಯಗಳಿಗೆ ಮಾತ್ರ ಅನ್ವಯಿಸುವ ಭಾರತೀಯ ದ೦ಡನೀತಿ (IPC) ಯ ಸೆಕ್ಷನ್ 295A ರ ಬಳಕೆಯು, ವಿಶೇಷವಾಗಿ ಪ್ರಶ್ನಾರ್ಹವಾಗಿದೆ ಏಕೆಂದರೆ ಶ್ರೀ. ಮೇವಾನಿಯವರ ಹೇಳಿಕೆಗಳಲ್ಲಿ ಯಾವ ದ್ದೃಷ್ಟಿ ಯಿ೦ದ ನೋಡಿದರೂ ಯಾವುದೇ ಧಾರ್ಮಿಕ ನಂಬಿಕೆ ಅಥವಾ ಆಚರಣೆಯ ಬಗ್ಗೆ ಅವಮಾನಿಸುವಂತೆ ಕಾಣುವ ವಸ್ತು ಏನೂ ಇಲ್ಲ. ಇದಲ್ಲದೆ, ಬಿಜೆಪಿ ಆಡಳಿತವಿರುವ ಗುಜರಾತ್‌ನಲ್ಲಿ ಪೊಲೀಸರು ಅಥವಾ ಆಡಳಿತ ಪಕ್ಷದ ಪದಾಧಿಕಾರಿಗಳು ಪ್ರಕರಣವನ್ನು ಅಲ್ಲಿ ಮುಂದುವರಿಸದಿರುವುದು ಗಮನಾರ್ಹವಾಗಿದೆ. ಮೇವಾನಿ ಹೇಳಿದ ಅಭಿಪ್ರಾಯವು ಅವರ ತವರು ರಾಜ್ಯಕ್ಕಿಂತ ಅಸ್ಸಾಂನಲ್ಲಿ ಶಾಂತಿ ಭಂಗ ಅಥವಾ ಸಾರ್ವಜನಿಕ ನೆಮ್ಮದಿಗೆ ಭಂಗ ತರುವ ಹೆಚ್ಚಿನ ಸಾಮರ್ಥ್ಯವನ್ನು ಹೊಂದಿದೆ ಎಂಬಂತಿದೆ. ಟ್ವೀಟ್ "ದೇಶದ ಈ ಭಾಗದಲ್ಲಿ" ಸಾಮಾಜಿಕ ರಚನೆಯನ್ನು ನಾಶಪಡಿಸಬಹುದು ಎಂಬ ದೂರುದಾರರ ಹೇಳಿಕೆಯನ್ನು ಕೊಕ್ರಜಾರ್ ಪೊಲೀಸರು ಯಾವ ಆಧಾರದ ಮೇಲೆ ಒಪ್ಪಿಕೊಂಡಿದ್ದಾರೆ ಎಂಬುದು ಸ್ಪಷ್ಟವಾಗಿಲ್ಲ.
ಕ್ರಿಮಿನಲ್ ಕಾನೂನನ್ನು ಯಾರು ಬೇಕಾದರೂ ಜಾರಿಗೆ ತರಬಹುದು ಎಂಬ ತತ್ವದ ದುರ್ಬಳಕೆಗೆ ಇದಕ್ಕಿಂತ ಉತ್ತಮ ಉದಾಹರಣೆ ಸಿಗುವುದಿಲ್ಲ. ಕ್ರಿಮಿನಲ್ ಕಾನೂನಿನ ಅಂತರ-ರಾಜ್ಯ ಕಾರ್ಯಾಚರಣೆಯು ಆಪಾದಿತ ಅಪರಾಧಗಳು ಬಂಧನಕ್ಕೆ ಅರ್ಹವಲ್ಲದ ಸಣ್ಣ ಜೈಲು ಶಿಕ್ಷೆಯನ್ನು ಪಡೆದಾಗಲೂ ಸಹ ಯಾವುದೇ ನಾಗರಿಕನನ್ನು ಬೇರೆ ರಾಜ್ಯದಿಂದ ಪೊಲೀಸರು ಸುಲಭವಾಗಿ ಹಿಡಿದಿಟ್ಟುಕೊಳ್ಳಲು ಅನುವು ಮಾಡಿಕೊಡುತ್ತದೆ ಎನ್ನುವದು ವಿಕೃತವಾಗಿದೆ. ನ್ಯಾಯಾಂಗ ಮ್ಯಾಜಿಸ್ಟ್ರೇಟ್ ಅವರು ಶ್ರೀ. ಮೇವಾನಿಗೆ ಜಾಮೀನು ನಿರಾಕರಿಸಿದರು ಮತ್ತು ಕೇವಲ ಕೆಲವು ಪದಗಳ ಅರ್ಥವಿವರಣೆಯನ್ನು ಒಳಗೊಂಡಿರುವ ವಿಷಯದಲ್ಲಿ ಪೊಲೀಸ್ ಸುಪರ್ದಿಗೆ ನೀಡಿರುವುದು ವಿಚಲಿತವಾಗಿದೆ. ನ್ಯಾಯಾಂಗ ಅಧಿಕಾರಿಗಳು ಅಂತಹ ಪ್ರಕರಣಗಳಲ್ಲಿ ಪ್ರಾಸಿಕ್ಯೂಷನ್ ಕ್ ಹೇಳಿಕೆಗಳನ್ನು ಹಿಂಜರಿಕೆಯಿಲ್ಲದೆ ಸ್ವೀಕರಿಸುವ ಬದಲು ಪ್ರಾದೇಶಿಕ ನ್ಯಾಯವ್ಯಾಪ್ತಿಯ ಬಗ್ಗೆ ಪ್ರಶ್ನೆಗಳನ್ನು ಎತ್ತುವ ಮೂಲಕ ಹೆಚ್ಚಿನ ಸ್ವಾತಂತ್ರ್ಯವನ್ನು ತೋರಿಸಬೇಕು.
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್‌ ಮಾಡಿ