ಕಾಶ್ಮೀರ ಪ್ರೆಸ್ ಕ್ಲಬ್
|ಕಾವಲು ನಾಯಿಯನ್ನು ಸರ್ಕಾರ ಮೌನಗೊಳಿಸಿದೆ
ಕಾಶ್ಮೀರವೊಂಪೀರ್ಜಾದಾ ಆಶಿಕ್‌
ದಿ ಹಿ೦ದು ಜನವರಿ 21, 2022ದುಶ್ರೀನಗರದ ಪೊಲೊ ವ್ಯೂ ರಸ್ತೆಯಲ್ಲಿರುವ ಕಾಶ್ಮೀರ ಪ್ರೆಸ್ ಕ್ಲಬ್‌ನ ಮುಖ್ಯ ಗೇಟ್‌ಗೆ ಜನವರಿ 17, 2022 ರಂದು ಬೀಗ ಹಾಕಲಾಗಿದೆ.: ಚಿತ್ರಕೃಪೆನಿಸ್ಸಾರ್ ಅಹ್ಮದ್
ಸ್ಥಗಿತಗೊಂಡಿರುವ ಕಾಶ್ಮೀರ ಪ್ರೆಸ್ ಕ್ಲಬ್, ಪತ್ರಕರ್ತರಿಗೆ ಭದ್ರತೆಯ ಭಾವವನ್ನು ಒದಗಿಸುತ್ತಿತ್ತು.
ಕಾಶ್ಮೀರದ ಮೂರು ತಲೆಮಾರಿನ ಪತ್ರಕರ್ತರ ಪ್ರಯತ್ನಗಳು 2018 ರಲ್ಲಿ ಅ೦ದಿನ ಸರ್ಕಾರವನ್ನು ಪ್ರೆಸ್ ಕ್ಲಬ್ಬಿನ ಮಹತ್ವವನ್ನು ಅರಿತುಕೊಳ್ಳುವಂತೆ ಮಾಡಿತು. ಪ್ರೆಸ್ ಕ್ಲಬ್ ಉತ್ಸಾಹಭರಿತ ಸಮಾಜದ ಸಂಕೇತ ಮತ್ತು ಎಲ್ಲಕ್ಕಿಂತ ಹೆಚ್ಚಾಗಿ, ದೇಶದ ಯಾವುದೇ ಭಾಗದಲ್ಲಿ ರೂಢಿಯಾಗಿದೆ.
ಜಮ್ಮು ಮತ್ತು ಕಾಶ್ಮೀರದಲ್ಲಿ (ಜೆ&ಕೆ) ರಾಜಕೀಯ ಮತ್ತು ಅಧಿಕಾರಶಾಹಿ ವರ್ಗದ ವಿರೋಧದ ನಡುವೆಯೂ, ಸುಮಾರು 300 ಸದಸ್ಯರನ್ನು ಹೊಂದಿರುವ ಕಾಶ್ಮೀರ ಪ್ರೆಸ್ ಕ್ಲಬ್, ಕಳೆದ ಮೂರು ದಶಕಗಳಿಂದ ಹಿಂಸಾತ್ಮಕ ಸಂಘರ್ಷದಲ್ಲಿ ತತ್ತರಿಸುತ್ತಿರುವ ಪ್ರದೇಶದಲ್ಲಿ ಮಾಧ್ಯಮ ಭ್ರಾತೃತ್ವದ ಸಾಮೂಹಿಕ ವಿಳಾಸವಾಗಿ ಹೊರಹೊಮ್ಮಿತು, ಅದೂ ಕೂಡ ಅತ್ಯಂತ ಕಡಿಮೆ ಅವಧಿಯಲ್ಲಿ.
ಕಾಶ್ಮೀರವು ಭದ್ರತೆ ಮತ್ತು ಸಂವಹನ ನಿರ್ಬಂಧಗಳಿಗೆ ಗುರಿಯಾಗುತ್ತದೆ, ಇದು ಪ್ರತಿಯೊಬ್ಬರನ್ನು ನಿಶ್ಚಲಗೊಳಿಸುತ್ತದೆ. ವಿದೇಶಿ ವರದಿಗಾರರು ಸೇರಿದಂತೆ ಸ್ಥಳೀಯ ಮತ್ತು ಭೇಟಿ ನೀಡುವ ಪತ್ರಕರ್ತರಿಗೆ ಅಂಚೆ ವಿಳಾಸವಾಗಿ ಕ್ಲಬ್ ಹೊರಹೊಮ್ಮಿತು. ಕಣಿವೆಯಲ್ಲಿ ನಡೆಯುವ ಘಟನೆಗಳ ಕುರಿತು ತ್ವರಿತ ಸುಳಿವುಗಳಿಂದ ಹಿಡಿದು ಆಹಾರದ ಲಭ್ಯತೆಗೆ ಮತ್ತು ಸುಲಭವಾದ ಇಂಟರ್ನೆಟ್ ಪ್ರವೇಶದವರೆಗೆ, ಭದ್ರತಾ ಕಾರಣಗಳಿಂದಾಗಿ ಅಥವಾ ಹೊರಗಿನ ವೇಗವಾಗಿ ಬದಲಾಗುವ ಸನ್ನಿವೇಶಗಳಿಂದಾಗಿ ಕಚೇರಿಗಳನ್ನು ಮುಚ್ಚಿದಾಗಲೆಲ್ಲಾ ಅದು ವೃದ್ಧಿ ಹೊಂದುತ್ತಿರುವ ಏಕೈಕ ಸ್ಥಳವಾಗಿತ್ತು.
ಆಗಸ್ಟ್ 5, 2019 ರಂದು ಕೇಂದ್ರವು J&K ಯ ವಿಶೇಷ ಸಾಂವಿಧಾನಿಕ ಸ್ಥಾನಮಾನವನ್ನು ಕೊನೆಗೊಳಿಸಿದಾಗ ಕಾಶ್ಮೀರವು ಸಂವಹನ ಸ್ಥಗಿತ ಮತ್ತು ಅಭೂತಪೂರ್ವ ಭದ್ರತಾ ಕ್ರಮಗಳನ್ನು ಕಂಡಿತು. ನನ್ನ ಇತರ ಸಹೋದ್ಯೋಗಿಗಳಂತೆ, ನಾನು ನವದೆಹಲಿಯ ಕಚೇರಿಯಲ್ಲಿ ನನ್ನ ಹಿರಿಯರೊಂದಿಗೆ ಸಂಪರ್ಕವನ್ನು ಕಳೆದುಕೊಂಡೆ. ಸುಮಾರು ಮೂರು ದಿನಗಳ ಕಾಲ ಮನೆಗೆ ನಿರ್ಬಂಧಿತ ಮತ್ತು ಸಂವಹನವಿಲ್ಲದ ವರದಿಗಾರನಾಗಿ ನನ್ನ ಕೆಲಸವನ್ನು ಪುನರಾರಂಭಿಸಲು ಕ್ಲಬ್‌ಗೆ ತಲುಪುವುದು ನನ್ನ ಮೊದಲ ಕಾಳಜಿಯಾಗಿತ್ತು. ದೆಹಲಿಯಿಂದ ಶ್ರೀನಗರಕ್ಕೆ ವಿಮಾನದಲ್ಲಿ ಬ೦ದಿದ್ದ ನನ್ನ ಸಹೋದ್ಯೋಗಿಯನ್ನು ಕಚೆರಿಯಲ್ಲಿ ತಲುಪಲು ಸಾಧ್ಯವಾಗದ ಕಾರಣ ನಾನು ಕ್ಲಬ್‌ನಲ್ಲಿ ಭೇಟಿಯಾದೆ. ಕ್ಲಬ್‌ನಲ್ಲಿ ನಾವು ಒಬ್ಬರಿಗೊಬ್ಬರು ಕಾಗದದ ಟಿಪ್ಪಣಿಗಳನ್ನು ಕೊಡುತ್ತೇವೆ ಮತ್ತು ವರದಿಗಳು ಒಳಗೊ೦ಡಿರುವ ಪೆನ್ ಡ್ರೈವ್‌ಗಳನ್ನು ಸಹ ನೀಡುತ್ತೇವೆ. ನೆಲದ ವಾಸ್ತವ ವರದಿಗಳು ಪ್ರಕಟವಾಗುವುದನ್ನು ಖಚಿತಪಡಿಸಿಕೊಳ್ಳಲು ನನ್ನ ಸಹೋದ್ಯೋಗಿ ಇವನ್ನು ಸಾಗಿಸುವರು.
ಇದು ಮೊದಲು ನಿಜವಾಗಿರಲಿಲ್ಲ. ಕಾಶ್ಮೀರ ಮಾಧ್ಯಮ ಅನಾಥವಾಗಿತ್ತು, ಉಳಿದ ಮಾಧ್ಯಮ ಭ್ರಾತೃತ್ವದೊಂದಿಗೆ ಕಡಿಮೆ ಸಂವಹನವನ್ನು ಹೊಂದಿತ್ತು. ಕಾಶ್ಮೀರವು ಕಳೆದ ಮೂರು ದಶಕಗಳಲ್ಲಿ ಅತ್ಯಂತ ಕೆಟ್ಟ ಸಮಯವನ್ನು ಕಂಡಿದೆ, ಕನಿಷ್ಠ 18 ಪತ್ರಕರ್ತರು ಕೊಲ್ಲಲ್ಪಟ್ಟರು. ಪ್ರೆಸ್ ಕ್ಲಬ್ ಇಲ್ಲದ ಕಾರಣ ಈ ಎಲ್ಲಾ ಸಾವುಗಳು ದಾಖಲೆಗಳಿಲ್ಲದೆ ಉಳಿದಿವೆ. ರಚನೆಯಾದಾಗ, ಕ್ಲಬ್ ಭದ್ರತೆಯ ಭಾವವನ್ನು ಒದಗಿಸಿತು ಮತ್ತು ಪತ್ರಕರ್ತರು ಎದುರಿಸುತ್ತಿರುವ ಯಾವುದೇ ಘಟನೆಯ ಹಿನ್ನೆಲೆಯಲ್ಲಿ ಕಾವಲುಗಾರನಾಗಿ ಕಾರ್ಯನಿರ್ವಹಿಸಿತು.
ಇದನ್ನೂ ಓದಿ
ಕಾಶ್ಮೀರ ಪ್ರೆಸ್ ಕ್ಲಬ್ ಅಸ್ತಿತ್ವದಲ್ಲಿಲ್ಲ, ಕಟ್ಟಡವನ್ನು ಎಸ್ಟೇಟ್ಸ್ ಇಲಾಖೆಗೆ ಹಸ್ತಾಂತರಿಸಲಾಗಿದೆ.: J&K ಸರ್ಕಾರ.
ಕಾಶ್ಮೀರವು ಕಳೆದ ಎರಡು ವರ್ಷಗಳಲ್ಲಿ ಪತ್ರಕರ್ತರಿಗೆ ಕಿರುಕುಳದ ಪ್ರಕರಣಗಳನ್ನು ಹೆಚ್ಚಿಸುತ್ತಿದೆ. ಇದರಲ್ಲಿ ಪೊಲೀಸು ಠಾಣೆಗೆ ಬರಹೇಳುವದು (ಸಮನ್ಸ್), ಕಟ್ಟುನಿಟ್ಟಾದ ನಿಯಮ ನಿಬ೦ಧನೆಗಳ ಅಡಿಯಲ್ಲಿ ಪ್ರಕರಣ ದಾಖಲಿಸುವದು, ಮತ್ತು ಬಂಧನಗಳು ಸೇರಿವೆ. ಈ ಸ೦ದರ್ಭಗಳಲ್ಲಿ ಕ್ಲಬ್ ಒಂದು ಮುಂಚೂಣಿಯಲ್ಲಿದೆ ಎಂದು ಸಾಬೀತಾಯಿತು - ತೀಕ್ಷ್ಣವಾಗಿ ಪ್ರತಿಕ್ರಿಯಿಸಿತು, ಉಚಿತ ಮತ್ತು ನ್ಯಾಯಯುತ ಪತ್ರಿಕೋದ್ಯಮಕ್ಕಾಗಿ ವಾದಿಸಿತು, ಕಿರುಕುಳದ ಪ್ರಕರಣಗಳನ್ನು ದಾಖಲಿಸುವುದರ ಜೊತೆಗೆ, ಪತ್ರಿಕೋದ್ಯಮದ ಭ್ರಾತೃತ್ವದ ಮೇಲಿನ ಭೇದಕ್ರಮವನ್ನು ನಿಧಾನಗೊಳಿಸಿತು. ಎರಡು ವರ್ಷದ ಕ್ಲಬ್ ಈಗ ಇತಿಹಾಸವಾಗುವುದರೊಂದಿಗೆ, ಮಾಧ್ಯಮ ಸಮುದಾಯದಲ್ಲಿ ಭಯ ಮತ್ತೆ ಆವರಿಸಿದೆ.
ಕ್ಲಬ್ ಯುವ ಮತ್ತು ಸ್ವತಂತ್ರ ಪತ್ರಕರ್ತರನ್ನು ಇತ್ತೀಚಿನ ಪ್ರಗತಿಗಳ ಅರಿವಿನಲ್ಲಿ ಇರಿಸಿದೆ. ದತ್ತಾಂಶ ಪತ್ರಿಕೋದ್ಯಮ ಅಥವಾ ತನಿಖಾ ವರದಿಯ ತಂತ್ರಗಳ ಮೇಲೆ ಅದು ಯುವ ಮತ್ತು ಹಿರಿಯ ವರದಿಗಾರರಿಗೆ ಕಾರ್ಯಾಗಾರಗಳ ಮೂಲಕ ತರಬೇತಿಯನ್ನು ನೀಡಿತು. ಕಾಶ್ಮೀರದಲ್ಲಿ ಕೆಲವೇ ವರ್ಷಗಳ ಹಿಂದೆ ಅಪರೂಪವಾಗಿದ್ದ ಮಹಿಳಾ ಪತ್ರಕರ್ತರು ಸಂಖ್ಯೆಯಲ್ಲಿ ಬೆಳೆದು ತಮ್ಮ ಕೆಲಸಕ್ಕಾಗಿ ಉತ್ತಮ ಖ್ಯಾತಿಯನ್ನು ಗಳಿಸಿದ ಏಕೈಕ ಸ್ಥಳವಾಗಿತ್ತು. ಅವರು ಸಮಸ್ಯೆಗಳ ಬಗ್ಗೆ ಹೊಸ ದೃಷ್ಟಿಕೋನವನ್ನು ನೀಡಲು ಪ್ರಾರಂಭಿಸಿದರು, ಆ ಮೂಲಕ ಕಾಶ್ಮೀರದಿಂದ ವರದಿಯನ್ನು ಪುಷ್ಟೀಕರಿಸಿದರು. ಅದೆಲ್ಲವೂ ಈಗ ಸ್ಥಗಿತಗೊಂಡಿದೆ.
ಇದನ್ನೂ ಓದಿ
ಕಾಶ್ಮೀರ ಪ್ರೆಸ್ ಕ್ಲಬ್‌ನ 'ಶಸ್ತ್ರಸಜ್ಜಿತ' ಸ್ವಾಧೀನವನ್ನು ಪತ್ರಿಕಾ ಸಂಸ್ಥೆಗಳು ಖಂಡಿಸುತ್ತವೆ
ಡಿಸೆಂಬರ್ 29, 2021 ರಂದು ನೀಡಲಾದ.ಪೊಲೀಸ್ ವರದಿಯನ್ನು ಉಲ್ಲೇಖಿಸಿ ಜನವರಿ 14 ರಂದು, J&K ಸರ್ಕಾರವುಕ್ಲಬ್‌ನ ಮರು-ನೋಂದಣಿಯನ್ನು ಸ್ಥಗಿತಗೊಳಿಸಿತು. ಇದರ ನಂತರ ಜನವರಿ 15 ರಂದು ಪತ್ರಕರ್ತರ ಗುಂಪೊಂದು ಸ್ವಾಧೀನಪಡಿಸಿಕೊಂಡಿತು, ಇದನ್ನು ಕಟ್ಟಡ ಮತ್ತು ಶೀರ್ಷಿಕೆಯ ವಿಷಯದಲ್ಲಿ ಸಂಸ್ಥೆಯನ್ನು ಹಿಂತೆಗೆದುಕೊಳ್ಳಲು ಮತ್ತು ನೋಂದಣಿ ರದ್ದುಗೊಳಿಸಲು ಸರ್ಕಾರವು ಒಂದು ಕಾರಣವಾಗಿ ಬಳಸಿಕೊಂಡಿತು. ಕ್ಲಬ್‌ನ ವೆಬ್‌ಸೈಟ್ ಅನ್ನು ಮುಚ್ಚಲು ಸರ್ಕಾರವು ತ್ವರಿತವಾಗಿ ಕ್ರಮಕೈಗೊ೦ಡಿತು.
2019 ರಲ್ಲಿ ಕ್ಲಬ್‌ನ ಮೊಟ್ಟಮೊದಲ ಚುನಾವಣೆಯನ್ನು ಮೇಲ್ವಿಚಾರಣೆ ಮಾಡಿದ ಚುನಾವಣಾ ಆಯೋಗದ ಸದಸ್ಯನಾಗಿದ್ದೆನು. ಇದರಿಂದ, ಸಂಸ್ಥೆಯ ರಚನೆಗೆ ಕೊಡುಗೆ ನೀಡಲು ನನಗೆ ಹೆಮ್ಮೆ ಪಡಲು ಕಾರಣವಿದೆ. ನಾನು ಈಗ ಯುವ ವರದಿಗಾರರು ಮತ್ತು ಸಾಮಾನ್ಯವಾಗಿ ಭ್ರಾತೃತ್ವ ಎರಡರ ಬಗೆಗೂ ಚಿಂತಿತನಾಗಿದ್ದೇನೆ. ಮುಕ್ತ ಮತ್ತು ನ್ಯಾಯಯುತ ಪತ್ರಿಕೋದ್ಯಮದ ಪಕ್ಷವನ್ನು ಯಾರು ತೆಗೆದುಕೊಳ್ಳುತ್ತಾರೆ ಮತ್ತು ಕಾಶ್ಮೀರದಲ್ಲಿ ಮಾಧ್ಯಮದ ವಿವಿಧ ಛಾಯೆಗಳನ್ನು ಪ್ರತಿನಿಧಿಸುವ ಹಲವಾರು ಸಂಸ್ಥೆಗಳಿಗೆ ರಕ್ಷಣಾತ್ಮಕ ಛತ್ರಿಯನ್ನು ಯಾರು ಒದಗಿಸುತ್ತಾರೆ? ಕ್ಲಬ್‌ನ ಅಂತ್ಯವು ಕಾಶ್ಮೀರದಲ್ಲಿ ಪತ್ರಿಕಾ ಬರಹಗಾರರಿಗೆ ಒಂದು ಪ್ರಮುಖ ಸವಾಲಿನ ಆರಂಭವಾಗಿದೆಯೇ? ಈ ಪ್ರಶ್ನೆ ನನ್ನನ್ನು ಕಾಡುತ್ತಿದೆ.
ಇದನ್ನೂ ಓದಿ:
An important journalistic institution dismantled: Editors Guild
NEW DELHI, JANUARY 18, 2022 2
In
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್‌ ಮಾಡಿ